மீண்டும் தொடர்ந்து சென்ற இராமலக்குவர் வானத்தில் சஞ்சரிக்கும்
சூரிய சந்திரரும் பிற கோள்களும் ஒளியுடன் நிலத்தில் விழுந்தது போல
விழுந்து கிடந்த இராவணனது மார்புக் கவசத்தைக் கண்டனர். மறித்தும் -
மீண்டும். வயங்குற - விளக்கமாக                               87

    கான் கிடந்தது மறைதர - காடு உள்ள இடம் முழுவதும்
மறையும்படி; கால் வயக் கலிமாத் தான் கிடந்துழி - காற்றுப் போல்
விரைந்து செல்லும் வலிமை படைத்த கடிவாளத்தைப் பூண்ட குதிரைகள்
விழுந்து கிடந்த இடத்தையும்; சாரதி கிடந்துழிச் சார்ந்தார் - சாரதி
விழுந்து கிடந்த இடத்தையும் சென்று அடைந்தார்கள்; ஊன் கிடந்து ஒளிர்
உதிரமும் கிடந்துளது - அந்த இடத்தில் தசையோடு பொருந்தி
விளங்குகிற குருதி சிந்திக் கிடந்தது; உலகின் வான் கிடந்தது போல்வது
கிடந்துழி - நில உலகில் (சூரிய சந்திரரும் நட்சத்திரங்களும் உடைய)
வானம் கிடந்தது போல் (இராவணனது ஒளியுடை அணிகலன்கள் பல
கிடந்த இடத்திற்கு; வந்தார் - வந்தனர்.

     தொடர்ந்து சென்ற இராமலக்குவர் குதிரைகள் விழுந்து கிடந்ததையும்,
தேர்ப் பாகன் இறந்து கிடந்ததையும், ஒளியுள்ள பல அணிகலன்கள் சிந்திக்
கிடந்ததையும் கண்டனர். கால் - காற்று, வயக்கலிமா - வலிமை படைத்த
கடிவாளத்தை உடைய விலங்கு.                                 88

    இறுதியின் - உலக இறுதிக் காலத்தில்; விரிகதிர் வெய்யோன்
மண்டலம் பல - ஒளி வீசுகிற சூரிய மண்டலங்கள் பல; கவின்ஆர்
விண்தலம் துறந்து - அழகுடைய வானத்தின் இடத்தை விட்டு நீங்கி;
மண்ணிடைக் கிடந்தென-