தொன்று தொட்டு வருகின்ற ஊழ்வினையின் பயனால் தான்
ஒருவனுக்குத் துன்பங்கள் வந்து சேருகின்றன. இதை விளக்க இந்திரன்
பட்ட துன்பங்களைக் கூறும் புராணச் செய்தி கூறப்படுகிறது. அந்தரம் -
துன்பம், நீங்கு, நீரவால் - தன்மையவாம் அனைய, உற்றன -
வினையாலணையும் பெயர்கள். இமையவர் குரு - பிரகஸ்பதி. 110 | 3513. | 'தடைக்க அரும் பெரு வலிச்
சம்பரப் பெயர்க்
கடைத் தொழில்
அவுணனால், குலிசக்கையினான்
படைத்தனன் பழி; அது,
பகழி வில் வலாய்!
துடைத்தனன் நுந்தை, தன்
குவவுத் தோளினால். |
பகழி வில் வலாய் - அம்புகளை விடும் வில் தொழில் ஆற்றலில்
வல்லவனே!; தடைக்க அரும் பெருவலி - தடுப்பதற்கு முடியாத மிக்க
வலிமை உடைய; சம்பரப் பெயர் - சம்பரன் என்ற பெயர் உடைய;
கடைத் தொழில் அவுணனால் - இழி தொழிலைச் செய்யும் அவுணனால்;
குலிசக்கையினான் - வச்சிராயுதத்தைக் கையில் ஏந்திய இந்திரன்; பழி
படைத்தனன் - (தோல்வி அடைந்து ஆட்சியை இழத்தலாகிய) பழியை
அடைந்தான்; அது - அப்பழியை; நுந்தை - உன் தந்தையாகிய தசரதன்;
தன் குவவுத் தோளினால் - தன் திரண்ட தோள்களின் வலிமையால்;
துடைத்தனன் - நீக்கினான். இந்திரன் சம்பரன் என்ற அசுரனால் அடைந்த பழியை உன்
தந்தையாகிய தசரதன் தன் தோள் வலிமையால் போக்கினான் என்பது
கருத்து. தடைக்க - தடுக்க, கடைத் தொழில் - கீழான தொழில், குலிசம் -
வச்சிராயுதம், நுந்தை - உன் தந்தை தசரதன், குவவு - திரட்சி. 111 அறுசீர் ஆசிரிய விருத்தம் | 3514. | 'பிள்ளைச் சொல் கிளிஅனாளைப்
பிரிவுறல் உற்ற பெற்றி,
தள்ளுற்ற அறமும் தேவர்
துயரமும், தந்ததேயால்;
கள்ளப் போர் அரக்கர்
என்னும் களையினைக் களைந்து வாழ்தி;
புள்ளிற்கும், புலன்இல் பேய்க்கும்,
தாய் அன்ன புலவு வேலோய்! |
புள்ளிற்கும் - பறவைகளுக்கும்; புலன் இல் பேய்க்கும் -பகுத்தறிவு
இல்லாத பேய்க்கும்; தாய் அன்ன - (உணவு தருவதால்)தாயைப் |