கம்பராமாயணக் கதைப் பாத்திரங்கள்
 

அக்ககுமரன்

இராவணன், மண்டோதரியின் மகன், இந்திரசித்தின் தம்பி.

அக்கினி தேவன்

சீதை தீயில் புக, அவளைச் சுடாது இராமனிடம் சேர்ப்பித்தவன்.

அகத்திய முனிவர் 

'குறுமுனி' தமிழ் முனி எனவும் குறிப்பர். கானகத்தில் இராமனுக்குப் படைக்கலம் அளித்தவர்.

அசும்பன்

(1) கரன் படை வீரருள் ஒருவன். தீ நிமித்தம்
கண்டு கரனை எச்சரித்தவன்.
(2) இராவணன் துணைவருள் ஒருவன். நரசிங்கம் அனையான்.

அகலிகை

கௌதம முனிவரின் பத்தினி. கல்லாய்க்
கிடந்தவள். இராமன் கால் பட்டுச் சாபம் தீர்ந்தவள்.

அங்கதன்

இந்திரன் அமிசமாக வாலிக்குத் தாரையிடம்
பிறந்தவன். இராவணனிடம் தூது சென்றவன்.

அங்காரதாரை

கடல் மேல் செல்வார் நிழல் கண்டு,
அவர்களைப் பிடித்து உண்ணக் கூடியவள்.
''சாயாக்கிரகிணி' என்பது அவளது மற்றொரு
பெயர். அநுமன் கடல் தாவுகையில் குறுக்கிட்டுத்,
தோற்ற அரக்கி.

அசங்கன்

வானரப் படைத்தலைவன்.

அசமஞ்சன்

சகரனின் புதல்வன். தாய் விதர்ப்ப தேசத்து
அரசன் மகள், விதர்ப்பை எனும் கேசினி. பகீரதனின் பாட்டனார்.

அசன்

அயன். தசரதனின் தந்தை. சுயம்வரத்தில்
இந்துமதியை மணந்தவன்.

அஞ்சனை

அனுமனின் தாய்.

அஞ்சுமான்

அசமஞ்சன் புதல்வன். சகரனின் பேரன்.