:: TVU ::

கம்பராமாயணக் கதைப் பாத்திரங்கள்

785

இடபன்	:	வானரப் படைத் தலைவன். காளை போன்றவன். குடதிசையில் சீதையைத் தேடச் சென்றவன்.
இடும்பன்	:	வானர வீரன்.
இந்திரசித்	:	இராவணன் மைந்தன். இந்திரனை வென்றதால் 'இந்திரசித்' எனப் பெயர் பெற்றவன்.
இந்திரத்யும்நன்	:	திருமால் பக்தன். அகத்தியர் சாபத்தால் யானையாகப் பிறந்து முதலை வாய்ப்பட்டுத் திருமாலால் வீடு பேறு அடைந்தவன்.
இந்திரன்	:	சரபங்க முனிவரை இந்திரலோகம் அழைத்துச் செல்ல வருகையில், காட்டில் இராமனைக் கண்டு போற்றியவன்.
இரகுமன்னன்	:	சூரியகுல வேந்தன்.
இரணியன்	:	பிரமனது மகனாகிய மரீசி பிரஜாபதியின் மகனான காசிப முனிவர்க்குத் திதி என்பவளிடம் பிறந்தவன். இரண்யாட்சனின் தம்பி, பிரலாகதனின்தந்தை. இரணியன் என்பதற்குப் 'பொன்னிறமானவன்' என்பது பொருள்.
இரணியாட்சன்	:	'பொற்கணான்' என்னும் பெயரினன். பூமியைப் பாயாக்கிக் கடலில் மறைக்க, வராக அவதாரமெடுத்துத் திருமால் மீட்டதாகப் புராண வரலாறு.
இராமன்	:	காப்பியத் தலைவன்.
இராவணன்	:	இலங்கை வேந்தன்.
இரிசிகன்	:	பிருகுவின் மகன். கௌசியை மணந்தவன்.
இருசியசிருங்க முனிவர்	:	விபாண்டக புதல்வர். மான்கொம்பைத் தலையில் கொண்டவர். கலைக்கோட்டு முனிவர் எனப்படுவார். மக்கள் பேறு வாய்க்கும் யாகம் செய்தவர்.
இரேணுகாதேவி	:	சமதக்னி முனிவரின் மனைவி.
இலக்குவன்	:	இராமன் தம்பி. சுமத்திரையின் மகன்.
இலங்காதேவி	:	இலங்கையின் காவல் தெய்வம். அனுமன் அவளை வென்றதால் நகர் நீங்கிச் சென்றாள்.
உத்தானபாதன்	:	மனுகுலத்து வேந்தன். உரோமபாதன் தந்தை.
உதாசித்து	:	பரதனின் மாமன்.