|
|
|
வேய்ங்குழல்
|
|
ராகம் : ஹிந்துஸ்தான் தோடி - ஏகதாளம்
|
எங்கிருந்து வருகுவதோ -- ஒலி
யாவர் செய்கு வதோ? -- அடி தோழி
|
குன்றி னின்றும் வருகுவதோ -- மரக்
கொம்பி னின்றும் வருகுவதோ -- வெளி
மன்றி னின்று வருகுவதோ -- என்றன்
மதிம ருண்டிடச் செய்குதடி -- இஃது |
(எங்கிருந்து) |
1 |
அலையொ லித்திடும் தெய்வ -- யமுனை
யாற்றி னின்றும் ஒலிப்பதுவோ -- அன்றி
இலையொ லிக்கும் பொழிலிடை நின்றும்
எழுவதோ இஃதின்ன முதைப்போல் |
(எங்கிருந்து) |
2 |
காட்டி னின்றும் வருகுவதோ -- நிலாக்
காற்றைக் கொண்டு தருகுவதோ -- வெளி
நாட்டி னின்றுமித் தென்றல் கொணர்வதோ
நாத மிஃதென் உயிரை யுருக்குதே -- |
(எங்கிருந்து)
|
3 |
பறவை யேதுமொன்றுள் ளதுவோ -- இங்ஙன்
பாடுமோ அமுதக்கனற் பாட்டு
மறைவி னின்றுங் கின்னர ராதியர்
வாத்தியத்தி னிசையிது வோ--அடி |
(எங்கிருந்து) |
4 |
கண்ணனூதிடும் வேய்ங்குழல் தானடீ
காதி லேயமு துள்ளத்தில் நஞ்சு
பண்ணன் றாமடி பாவையர் வாடப்
பாடி யெய்திடும் அம்படி தோழி |
(எங்கிருந்து) |
5 |