Kutirai (pari, MA, IvuLi, Puravi)-kutirai (pari, MA, IvuLi, Puravi)
-
kutirai (pari, mA, ivuLi, puravi)
viraip pari varun'tiya vIgku celal iLaiyar
araic ceRi kaccai yAppu azittu acaii,
vENTu amar n'aTaiyar, menmela varuka!
tINTA vai muL tINTi n'Am celaRku
Emati, valava, tErE! utuk kAN-
urukkuRu n'aRu n'ey pAl vitirttanna
arik kural miTaRRa am n'uN pal poRik
kAmaru takaiya kAnavAraNam
peyal n'Ir pOkiya viyal n'eTum puRavil
pularA Ir maNal malirak keNTi,
n'AL irai kavara mATTi, tan
pETai n'Okkiya perun'taku n'ilaiyE!
vinai muRRi mILvAntErppAkaRkuc colliyatu.-marutan iLan'AkanAr
peru mutu celvar ponnuTaipputalvar
ciRu tOT kOtta cev arippaRaiyin
kaNNakattu ezutiya kurIip pOla,
kOl koNTu alaippap paTIiyarmAtO-
vIrai vENmAn veLiyan tittan
muracu mutal koLIiya mAlai viLakkin
veN kOTu iyampa, n'uN pani arumpa,
kaiyaRa van'ta pozutoTu mey cOrn'tu,
avala n'ejcinam peyara, uyar tirai
n'ITu n'Irp panit tuRaic cErppan
OTu tEr n'uN n'ukam n'uzain'ta mAvE!
pakaRkuRi van'tu n'Igkum talaimakan pOkku n'Okki, tOzi mAvinmElvaittuc colliyatu.- mutukURRanAr
uravuk kaTal uzan'ta peru valaipparatavar
miku mIn uNakkiya putu maNal AgkaN,
kallen cErip pulavaR punnai
vizavu n'ARu viLagku iNar avizn'tu uTan kamazum
azugkal UrO aRan inRu; atanAl,
aRan il annai arug kaTip paTuppa,
pacalai Aki viLivatukollO-
puL uRa ocin'ta pU mayagku aLLal
kazic curam n'ivakkum iruj ciRai ivuLi
tirai taru puNariyin kazUum
mali tiraic cErppanoTu amain'ta n'am toTarpE?
alar accattAltOzi ciRaippuRamAkac ceRippu aRivuRIiyatu.-ulOccanAr
kOT cuRA vazagkum vAL kEz irug kazi
maNi Er n'eytal mA malar n'iRaiya,
pon n'Er n'uN tAtu punnai tUum,
vIz tAz tAzaip pUk kamaz kAnal,
paTar van'tu n'aliyum cuTar cel mAlai,
n'Oy mali paruvaral n'Am ivaN uykam;
kETTicin-vAzi, tOzi!-teN kazi
vaL vAy Azi uL vAy tOyinum,
puLLu n'imirn'tanna polam paTaik kali mA
uravu n'Irc cErppan, tErmaNik kuralE!
varaivu malin'tatu.-kIragkIranAr
iru n'ilam kuRaiyak koTTipparin'tinRu
Ati pOkiya acaivu il n'On tAL,
mannar matikkum mAN vinaip puravi
koym mayir eruttil peym maNi Arppa,
pUNkatil-pAka!-n'in tErE: pUN tAz
Aka vana mulaik karaivalam teRippa
azutanaL uRaiyum am mA arivai
virun'tu ayar viruppoTu varun'tinaL acaiiya
muRuval in n'akai kANkam!-
uRu pakai taNittanan, uravu vAL vEn'tE.
vinai muRRiya talaivantErppAkaRku uraittatu.-akampanmAlAtanAr
n'I uNarn'tanaiyE-tOzi!-vI ukap
punnai pUtta in n'izal uyar karaip
pATu imiz panik kaTal tuzaii, peTaiyOTu
uTagku irai tErum taTan' tAL n'Arai
aiya ciRu kaN ceg kaTaic ciRu mIn,
mEkku uyar cinaiyin mImicaik kuTampai,
tAyp payir piLLai vAyp paTac coriyum
kAnal am paTappai AnA vaN makizp
peru n'al Ikai n'am ciRu kuTip poliya,
puL uyirk koTpin vaL uyir maNit tArk
kaTu mAp pUNTa n'eTun' tEr
n'eTu n'Irc cErppan pakal ivaN varavE?
tOzi, talaimakaTku varaivu malin'tu uraittatu.-picirAn'taiyAr
vitaiyar konRa mutaiyal pUzi,
iTu muRai n'irappiya Ir ilai varakin
kavaik katir kaRitta kAmar maTap piNai,
aralai am kATTu iralaiyoTu, vatiyum
puRaviRRu amma, n'I n'ayan'tOL UrE:
'elli viTTanRu, vEn'tu' enac collupu
pariyal; vAzka, n'in kaNNi!-kAN vara
viri uLaip polin'ta vIgku celal kali mA
vaN pari tayagka ezIi, taN peyaR
kAn yARRu ikumaNaR karai piRakku oziya,
el virun'tu ayarum manaivi
mel iRaip paNait tOL tuyil amarvOyE!
vinai muRRi maRuttarumtalaimakaRkut tErppAkan colliyatu.-oru ciRaipperiyanAr
tUgkal Olai Ogku maTaR peNNai
mA arai putaitta maNal mali munRil,
varaiyAt tAram varu virun'tu ayarum
taN kuTi vAzn'ar am kuTic cIRUr
initu manRamma tAnE-pani paTu
pal curam uzan'ta n'alkUr pariya,
muzagku tiraip putu maNal azun'tak koTkum,
vAl uLaip polin'ta, puravit
tErOr n'ammoTu n'akAa UgkE.
'varaivu n'ITTippa alar Am' enak kavanRa tOzi ciRaippuRamAkaccolliyatu.-katappiLLaiyAr
cilarum palarum kaTaikkaN n'Okki,
mUkkin uccic cuTTu viral cErtti,
maRukil peNTir ampal tURRa,
ciRu kOl valan'tanaL annai alaippa,
alan'tanen vAzi-tOzi!-kAnal
putu malar tINTiya pU n'ARu kurUuc cuval
kaTu mAn pariya kataz pari kaTaii,
n'aTu n'AL varUum iyal tErk koNkanoTu
celavu ayarn'ticinAl, yAnE;
alar cuman'tu ozika, iv azugkal UrE!
tOzi talaiviyai uTanpOkku valittatu; ciRaippuRamAkac colliyatUum Am.- ulOccanAr
n'akai n'anku uTaiyan-pANa!-n'um perumakan:
'miLai vali citaiyak kaLiRu pala parappi,
araN pala kaTan'ta muraN koL tAnai
vazuti, vAziya pala! enat tozutu, INTu
man eyil uTaiyOr pOla, aHtu yAm
ennatum pariyalO ilam' enat taN n'aTaik
kali mA kaTaii van'tu, em cErit
tArum kaNNiyum kATTi, orumaiya
n'ejcam koNTamai viTumO? ajca,
kaNNuTaic ciRu kOl paRRik
katam peritu uTaiyaL, yAy; azugkalO ilaLE.
talain'inRu ozukappaTA n'inRa parattai talaivanai n'erugkip pANaRku uraittatu.-kaTuvan iLamaLLanAr
uL iRaik kurIik kAr aNaR cEval
piRa pulat tuNaiyOTu uRai pulattu alki,
van'tatan cevvi n'Okki, pETai
n'eRi kiLar Igkaip pUvin anna
ciRu pal piLLaiyoTu kuTampai kaTitalin,
tuvalaiyin n'anain'ta puRattatu ayalatu
kUral irukkai aruLi, n'eTitu n'inain'tu,
Ira n'ejcin tan vayin viLippa,
kaiyaRa van'ta maiyal mAlai
irIiya Akalin, in oli izan'ta
tAr aNi puravi taN payir tumippa
van'tanRu, peruviRal tErE;
uyn'tanRAkum, ivaL Ay n'utaR kavinE.
vinai muRRip pukun'tatu kaNTa tOzi makizn'tu uraittatu.
n'akaiyAkinRE-tOzi!-'takaiya
aNi malar muNTakattu Ay pUgkOtai
maNi maruL aimpAl vaNTu paTat taii,
tuNi n'Irp pauvam tuNaiyOTu ATi,
ozuku n'uN n'ucuppin, akanRa alkul,
teLi tIm kiLavi! yAraiyO, en
aritu puNar in uyir vavviya n'I?' ena,
pUN mali n'eTun' tErp puravi tAgki,
tAn n'am aNagkutal aRiyAn, n'ammin
tAn aNagkuRRamai kURi, kAnal
curumpu imir cuTar n'utal n'Okki,
perug kaTaR cErppan tozutu n'inRatuvE
kuRai n'Ern'ta tOzi talaimakaLai mukam pukkatu.-allagkIranAr
n'eyyum kuyyum ATi, meyyoTu
mAcu paTTanRE kaligkamum; tOLum,
titalai men mulait tIm pAl piliRRa,
putalvaR pullip puniRu n'ARummE;
vAl izai makaLir cErit tOnRum
tErORku ottanem allEm; atanAl
pon purai n'arampin in kural cIRiyAz
ezAal vallai Ayinum, tozAal;
koNTu cel-pANa!-n'in taN tuRai Uranai,
pATu manaip pATal; kUTAtu n'ITu n'ilaip
puraviyum pUN n'ilai munikuva;
viraku ila moziyal, yAm vETTatu il vaziyE!
pANaRkut tOzi vAyil maRuttatu.-kUTalUrp palkaNNanAr
புதுப்பிக்கபட்ட நாள் : 06-09-2016 16:44:18(இந்திய நேரம்)