தமிழ் இணையக் கல்விக்கழகம் - TAMIL VIRTUAL ACADEMY

மொழிகள்

N'eytaR Kali-n'eytaR Kali

  • n'eytaR kali


    118.talaivi kURRu
    vel pukaz mannavan, viLagkiya ozukkattAl,
    n'al ARRin uyir kAttu, n'aTukku aRa, tAn ceyta
    tol vinaip payan tuyppa, tuRakkam vETTu ezun'tARpOl
    pal katir jAyiRu pakal ARRi malai cEra,
    5
    AnAtu kaluz koNTa ulakattu, maRRu avan
    EnaiyAn aLippAn pOl, ikal iruL mati cIppa,
    kuTai n'izal ANTARkum ALiya varuvARkum
    iTai n'inRa kAlam pOl, iRuttan'ta maruL mAlai!
    mAlai n'I tU aRat tuRan'tArai n'inaittalin, kayam pUtta
    10
    pOtu pOl kuvin'ta en ezil n'alam eLLuvAy;
    Ay ciRai vaNTu Arppa, cinaip pUp pOl taLai viTTa
    kAtalarp puNarn'tavar kArikai kaTikallAy
    mAlai n'I taiyenak kOvalar tanik kuzal icai kETTu
    paiyenRa n'ejcattEm pakkam pArATTuvAy;
    15
    cevvazi yAz n'arampu anna kiLaviyAr pArATTum,
    poy tIrn'ta puNarcciyuL putu n'alam kaTikallAy
    mAlai n'I takai mikka tAz cinaip pati cErn'tu puL Arppa,
    pakai mikka n'ejcattEm punmai pArATTuvAy;
    takai mikka puNarcciyAr, tAz koTi n'aRu mullai
    20
    mukai mukam tiRan'tanna, muRuvalum kaTikallAy
    ena Agku
    mAlaiyum alarum n'OnAtu, emvayin
    n'ejcamum ejcumman tilla ejci,
    uLLAtu amain'tOr, uLLum,
    25
    uL il uLLam, uL uL uvan'tE

    piriviTai ARRAta talaivi mAlaippozutu kaNTu, atanoTu pulampi, tOzi kETpa,atanoTu pulan'tatu


    119.talaivi kURRu
    akan jAlam viLakkum tan pal katir vAyAkap
    pakal n'ugkiyatu pOlap paTu cuTar kal cEra,
    ikal miku n'EmiyAn n'iRam pOla iruL ivara,
    n'ilavuk kANpatu pOla aNi mati Ertara,
    5
    kaN pAyal peRRa pOl kaNaik kAla malar kUmpa,
    tam pukaz kETTAr pOl talai cAyttu maram tujca,
    muRuval koLpavai pOla mukai avizpu putal n'an'ta,
    ciRu vetirg kuzal pOlac curumpu imirn'tu immena,
    paRavai tam pArppu uLLa, kaRavai tam pativayin
    10
    kanRu amar viruppoTu manRu n'iRai pukutara,
    mA vati cEra, mAlai vAL koLa,
    an'ti an'taNar etirkoLa, ayarn'tu
    cen' tIc cev azal toTagka van'tatai
    vAl izai makaLir uyir poti avizkkum
    15
    kAlai Avatu aRiyAr,
    mAlai enmanAr, mayagkiyOrE

    piriviTai mAlaip pozutu kaNTu ARRAta talaivi tOzikku uraittatu.


    120.kaNTAr kURRu
    'aruL tIrn'ta kATciyAn, aRan n'OkkAn, n'ayam ceyyAn,
    veruvuRa uyttavan n'ejcam pOl, paipaya
    iruL tUrpu, pulampu Ura, kanai cuTar kal cEra
    uravut takai mazugkit tan iTumpaiyAl oruvanai
    5
    irappavan n'ejcam pOl, pullenRu, puRam mARik
    karappavan n'ejcam pOl, maram ellAm, ilai kUmpa
    tORRam cAl cekkaruL piRai n'uti eyiRAka,
    n'Al ticaiyum n'aTukkuRUum maTagkal kAlai,
    kURRu n'akkatu pOlum, uTkuvaru kaTu mAlai!
    10
    mAlai n'I uLLam koNTu akanRavar tuNai tArAp pozutinkaN,
    veLLa mAn n'iRam n'Okkik kaNai toTukkum koTiyAn pOl,
    allaRpaTTu irun'tArai ayarppiya van'tAyO?
    mAlai n'I Iram il kAtalar ikan'tu aruLA iTan n'Okki,
    pOr tolain'tu irun'tAraip pATu eLLi n'akuvAr pOl,
    15
    Ar ajar uRRArai aNagkiya van'tAyO?
    mAlai n'I kan'tu Atal cAnRavar kaLaitArAp pozutinkaN,
    ven'tatu Or puNNinkaN vEl koNTu n'uzaippAn pOl,
    kAyn'ta n'Oy uzappAraik kalakkiya van'tAyO?
    ena Agku,
    20
    iTan inRu alaittarum innA cey mAlai,
    tuni koL tuyar tIrak kAtalar tunaitara
    melliyAn paruvattu mEl n'inRa kaTum pakai
    ollena n'Ikki, oruvAtu kAttu ARRum
    n'al iRai tOnRa, keTTAgku
    25
    illAkinRAl, iruLakattu oLittE

    piriviTai ARRAta talaivi mAlaippozutu kaNTu, kaziya ARRaLAyina iTattu, talaivan varavum avaLatu aka malarcciyum kaNTAr kURiyatu


    121.tOzi kURRu
    oN cuTar kal cEra, ulaku Urum takaiyatu,
    teN kaTal azuvattut tirai n'IkkA ezutarUum,
    taN katir matiyattu aNi n'ilA n'iRaittara,
    puLLinam irai mAn'tip pukal cEra, oli AnRu,
    5
    vaL itaz kUmpiya maNi maruL irug kazi
    paLLi pukkatu pOlum parappu n'Irt taN cErppa!
    tAgkarug kAmattait taNan'tu n'I puRam mARa,
    tUgku n'Ir imiz tirai tuNaiyAki olikkumE
    uRaiyoTu vaikiya pOtu pOl, oyyena
    10
    n'iRai AnAtu izitarUum, n'Ir n'In'tu kaNNATku
    vArAy n'I puRam mARa, varun'tiya mEniyATku
    Ar iruL tuNaiyAki acaivaLi alaikkumE
    kamaz taN tAtu utirn'tu uka, Uz uRRa kOTal vI
    itaz cOrum kulai pOla, iRai n'Ivu vaLaiyATku
    15
    in tuNai n'I n'Ippa, iravinuL tuNaiyAki,
    tan tuNaip pirin'tu ayAam tanik kuruku ucAvumE
    oN cuTar jAyiRRu viLakkattAn, oLi cAmpum
    n'aNpakal matiyam pOl, n'alam cAyn'ta aNiyATku
    ena Agku
    20
    eRi tirai tan'tiTa, izin'ta mIn in tuRai
    maRi tirai varun'tAmal koNTAgku, n'eRi tAzn'tu,
    cAyinaL varun'tiyAL iTumpai
    pAy parik kaTun' tiN tEr kaLaiyinO iTanE

    talaivan oruvazit taNan'ta iTattut talaivi ARRAmai kURi, varaiyak karutinAy Ayin, 'iHtu iTam' enac colliyatu


    122.talaivi kURRu
    'kOtai Ayamum annaiyum aRivuRa,
    pOtu ezil uNkaN pukaz n'alan izappa,
    kAtal ceytu aruLAtu tuRan'tArmATTu, Etu inRi,
    ciRiya tunittanai; tunnA ceytu amarn'tanai;
    5
    palavum n'URu aTukkinai; inaipu Egki azutanai;
    alavalai uTaiyai' enRi tOzI!
    kEL, ini:
    mAN ezil mAtar makaLirOTu amain'tu, avan
    kANum paNpu ilan Atal aRivEnman; aRiyinum,
    10
    pENi avan ciRitu aLittakkAl, en
    n'AN il n'ejcam n'ekiztalum kANpal
    iruL uRaz irug kUn'tal makaLirOTu amain'tu, avan
    teruLum paNpu ilan Atal aRivEnman; aRiyinum,
    aruLi avan ciRitu aLittakkAl, en
    15
    maruLi n'ejcam makiztalum kANpal
    oL izai mAtar makaLirOTu amain'tu, avan
    uLLum paNpu ilan Atal aRivEnman; aRiyinum,
    pulli avan ciRitu aLittakkAl, en
    allal n'ejcam maTagkalum kANpal
    20
    atanAl,
    yAma n'aTu n'AL tuyil koNTu oLitta
    kAma n'Oyin kazIiya n'ejcam
    tAn avarpAl paTTatAyin,
    n'Am uyir vAztalO n'akai n'ani uTaittE

    'kAmam cAlA iLamaiyOLvayin' pin kaLavozukkam ozukiya talaivan iTaiyiTTup pirin'tu,ton muRai manaiviyaroTu puNarcci eyti irun'tAnAka, atanai aRin'tu ARRALAya talaivi ARRAmaiyaik kaNTu vinAya tOzikku, at talaivi avan ozukukinRavARum, tan n'ejcu avan vayattatu AyavARum,kURiyatu. 'maRaiyin van'ta manaiyOL ceyvinai, poRai inRu perukiya paruvaraRkaNnum'enpatanAlum, 'pin muRai Akkiya perum poruL vatuvai' ennum cUttirattAnum uNarka. (5)


    123.talaivi kURRu
    karug kOTTu n'aRum punnai malar cinai micaitoRum
    curumpu Arkkum kuralinOTu, irun' tumpi iyaipu Uta,
    orugkuTan immena imirtalin, pATalOTu
    arum poruL marapin mAl yAz kELAk kiTan'tAn pOl,
    5
    perug kaTal tuyil koLLum vaNTu imir n'aRug kAnal
    kANAmai iruL parappi, kaiyaRRa kagkulAn,
    mANA n'Oy ceytAnkaN cenRAy; maRRu avanai n'I
    kANavum peRRAyO? kANAyO? maTa n'ejcE!
    kol ERRuc cuRavinam kaTi koNTa maruL mAlai,
    10
    allal n'Oy ceytAnkaN cenRAy; maRRu avanai n'I
    pullavum peRRAyO? pullAyO? maTa n'ejcE!
    veRi koNTa puLLinam vati cErum pozutinAn,
    ceRi vaLai n'ekizttAnkaN cenRAy; maRRu avanai n'I
    aRiyavum peRRAyO? aRiyAyO? maTa n'ejcE!
    15
    ena Agku
    ellaiyum iravum tuyil tuRan'tu, pal Uz
    arum paTar avala n'Oy ceytAnkaN peRal n'acaii,
    irug kazi Otam pOl taTumARi,
    varun'tinai aLiya en maTam kezu n'ejcE!

    kAppu mikutikkaN ARRAta talaivi talaivanpAl cenRa n'ejcinai n'Okki azin'tu kURiyatu


    124.tOzi kURRu
    jAlam mUnRu aTit tAya mutalvaRku mutu muRaip
    pAl anna mEniyAn aNi peRat taiiya
    n'Ila n'Ir uTai pOla, takai peRRa veN tirai
    vAl ekkarvAy cUzum vayagku n'Irt taN cErppa!
    5
    Ur alar eTuttu araRRa, uLLAy, n'I tuRattalin,
    kUrum tan evva n'Oy ennaiyum maRaittALman
    kArikai peRRa tan kavin vATak kaluzpu, AgkE,
    pIr alar aNi koNTa piRai n'utal allAkkAl
    iNaipu iv Ur alar tURRa, eyyAy, n'I tuRattalin,
    10
    puNai illA evva n'Oy ennaiyum maRaittALman
    tuNaiyAruL takai peRRa tol n'alam izan'tu, ini,
    aNi vanappu izan'ta tan aNai men tOL allAkkAl
    inRu iv Ur alar tURRa, eyyAy, n'I tuRattalin,
    n'inRa tan evva n'Oy ennaiyum maRaittALman
    15
    venRa vEl n'uti Eykkum viRal n'alan izan'tu, ini,
    n'inRu n'Ir ukak kaluzum n'eTum perug kaN allAkkAl
    atanAl,
    pirivu illAy pOla, n'I teyvattin teLittakkAl,
    aritu ennAL, tuNin'tavaL Ay n'alam peyartara,
    20
    puri uLaik kalimAn tEr kaTavupu
    viri taN tAr viyal mArpa! viraika n'in celavE

    'veLippaTa varaital paTAmai varaital enRu, AyiraNTu enpa varaital ARE' enpatanAl,kaLavu veLippaTTa pin, varaiyAtu, poruLvayin pirin'tu van'tAnait tOzi etirppaTTu n'inRu,talaiviyatu ARRAmai kURi, varaivu kaTAyatu


    125.tOzi kURRu
    'kaNTavar il' ena, ulakattuL uNarAtAr,
    tagkAtu takaivu inRit tAm ceyyum vinaikaLuL,
    n'ejcu aRin'ta koTiyavai maRaippinum, 'aRipavar
    n'ejcattuk kuRukiya kari illai Akalin,'
    5
    vaN pari n'avinRa vaya mAn celva!
    n'anku atai aRiyinum, n'ayan illA n'ATTattAl,
    'anpu ilai' ena van'tu kazaRuval; aiya! kEL:
    makiz cey tEmozit toyyil cUz iLa mulai
    mukiz ceya muLkiya toTarpu, avaL uNkaN
    10
    aviz pani uRaippavum, n'alkAtu viTuvAy!
    imiz tiraik koNka! koTiyaikAN n'I
    ilagku Er el vaLai Er tazai taii,
    n'alam cela n'alkiya toTarpu, avaL cAayp
    pulan'tu aza, pullAtu viTuvAy!
    15
    ilagku n'Irc cErppa! koTiyaikAN n'I
    in maNic cilampin cil mozi aimpAl
    pinnoTu kezIiya taTa aravu alkul
    n'uN vari vATa, vArAtu viTuvAy!
    taNNan' tuRaiva! takAaykAN n'I
    20
    ena Agku
    anaiyaL enRu, aLimati, peruma! n'in inRu
    iRai varai n'illA vaLaiyaL ivaTku, inip
    piRai Er cuTar n'utaR pacalai
    maRaiyac cellum, n'I maNan'tanai viTinE

    varaivu n'ITa, ARRAta talaivi n'ilaimai talaivaRkut tOzi kURi, avanai n'erugki,varaivu kaTAyatu


    126.tOzi kURRu
    pon malai cuTar cEra, pulampiya iTan n'Okki,
    tan malain'tu ulaku Etta, takai mati Ertara,
    cekkar koL pozutinAn oli n'Ivi, ina n'Arai
    mukkOl koL an'taNar mutu mozi n'inaivAr pOl,
    5
    ekkar mEl iRaikoLLum, ilagku n'Irt taN cErppa!
    aNic ciRai inak kuruku olikkugkAl, n'in tiN tEr
    maNik kural ena ivaL matikkumman; matittAgkE,
    uL AnRa oliyavAy iruppak kaNTu, avai kAnaR
    puL ena uNarn'tu, pin pulampu koNTu, inaiyumE
    10
    n'Ir n'Ivik kajanRa pUk kamazugkAl, n'in mArpil
    tAr n'ARRam ena ivaL matikkumman; matittAgkE,
    alar patattu acaivaLi van'tu olka, kazi pUtta
    malar ena uNarn'tu, pin mammar koNTu, inaiyumE
    n'IL n'akar n'iRai ARRAL, n'inaiyun'aL vatin'takkAl,
    15
    tOL mElAy ena n'innai matikkumman; matittAgkE,
    n'anavu enap pullugkAl, kANALAy, kaNTatu
    kanavu ena uNarn'tu, pin kaiyaRRu, kalagkumE
    ena Agku,
    pala n'inain'tu, inaiyum paital n'ejcin,
    20
    alamaral n'OyuL uzakkum en tOzi
    mati maruL vAL mukam viLagka,
    putu n'alam Ertara, pUNka, n'in tErE!

    tOzi talaiviyatu ARRAmai kURi, talaivanai varaivu kaTAyatu


    127.tOzi kURRu
    teri iNar jAzalum, tEm kamaz punnaiyum,
    puri aviz pUvina kaitaiyum, cerun'tiyum,
    vari jimiRu imirn'tu Arppa, irun' tumpi iyaipu Uta
    ceru miku n'EmiyAn tAr pOla, perug kaTal
    5
    vari maNalvAy cUzum vayagku n'Irt taN cErppa!
    koTug kazi vaLaiiya kunRu pOl, vAl ekkar,
    n'aTugku n'Oy tIra, n'in kuRi vAyttAL enpatO
    kaTum pani aRal iku kayal Er kaN pani malka,
    iTumpaiyOTu inaipu Egka, ivaLai n'I tuRan'tatai?
    10
    kuRi inRip pal n'AL, n'in kaTun' tiN tEr varu patam kaNTu,
    eRi tirai imiz kAnal, etirkoNTAL enpatO
    aRivu ajar uzan'tu Egki, Ay n'alam vaRitAka,
    ceRi vaLai tOL Ura, ivaLai n'I tuRan'tatai?
    kAN vara iyanRa ik kavin peRu panit tuRai,
    15
    yAmattu van'tu, n'in kuRi vAyttAL enpatO
    vEy n'alam izan'ta tOL viLagkuizai poRai ARRAL,
    vAL n'utal pacappu Ura, ivaLai n'I tuRan'tatai?
    atanAl,
    iRai vaLai n'ekizn'ta evva n'Oy ivaL tIra,
    20
    'uravuk katir teRum' ena Ogku tirai viraipu, tan
    karai amal aTumpu aLittAagku
    uravu n'Irc cErppa! aruLinai aLimE

    ituvum atu


    128.talaivi kURRu
    'tOL tuRan'tu, aruLAtavar pOl n'inRu,
    vATai tUkka, vaNagkiya tAzai
    ATu kOTTu irun'ta acai n'aTai n'Arai,
    n'aLi irug kagkul, n'am tuyar aRiyAtu,
    5
    aLi inRu, piNi inRu, viLiyAtu, n'aralum
    kAnal am cErppanaik kaNTAy pOla,
    putuvatu kavininai' enRiyAyin,
    n'anavin vArA n'ayanilALanaik
    kanavil kaNTu, yAn ceytatu kEL, ini:
    10
    'alan'tAgku amaiyalen' enRAnaip paRRi, 'en
    n'alam tArAyO?' ena, toTuppEn pOlavum,
    kalan'tu AgkE en kavin peRa muyagki,
    'pulampal Ompu' ena, aLippAn pOlavum
    'mulaiyiTait tuyilum maRan'tIttOy' ena,
    15
    n'ilai azi n'ejcattEn azuvEn pOlavum,
    'valai uRu mayilin varun'tinai, peritu' ena,
    talaiyuRa mun aTip paNivAn pOlavum
    kOtai kOlA, iRaijci n'inRa
    Utaiam cErppanai, alaippEn pOlavum,
    20
    'yAtu en pizaippu?' ena n'aTugki, AgkE,
    'pEtaiyaip peritu' enat teLippAn pOlavum
    Agku
    kanavinAl kaNTEn tOzi! 'kAN takak
    kanavin van'ta kAnal am cErppan
    25
    n'anavin varutalum uNTu' ena
    anai varai n'inRatu, en arum peRal uyirE

    varaiviTai ARRALAyc celkinRa talaiviyatu kavin kaNTu vinAya tOzikku avaL tAn kaNTa kanavun'ilai uraittatu


    129.tOzi kURRu
    tol Uzi taTumARi, tokal vENTum paruvattAl,
    pal vayin uyir ellAm paTaittAnkaN peyarppAn pOl,
    el uRu teRu katir maTagki, tan katir mAya;
    n'al aRa n'eRi n'iRIi ulaku ANTa aracan pin,
    5
    allatu malain'tirun'tu aRa n'eRi n'iRukkallA
    melliyAn paruvam pOl, mayagku iruL talai vara;
    ellaikku varampu Aya, iTumpai kUr, maruL mAlai
    pAy tiraip pATu OvAp parappu n'Irp panik kaTal!
    'tU aRat tuRan'tanan tuRaivan' enRu, avan tiRam
    10
    n'Oy teRa uzappArkaN imiztiyO? em pOlak
    kAtal ceytu akanRArai uTaiyaiyO? n'I
    manRu irum peNNai maTal cEr anRil!
    'n'anRu aRai konRanar, avar' enak kalagkiya
    en tuyar aRin'tanai n'araRiyO? em pOla
    15
    in tuNaip pirin'tArai uTaiyaiyO? n'I
    pani iruL cUztara paital am ciRu kuzal!
    'ini varin, uyarumman pazi' enak kalagkiya
    taniyavar iTumpai kaNTu inaitiyO? em pOla
    iniya ceytu akanRArai uTaiyaiyO? n'I
    20
    ena Agku,
    azin'tu, ayal aRin'ta evvam mERpaTa,
    perum pEtuRutal kaLaimati, peruma!
    varun'tiya cellal tIrtta tiRan aRi oruvan
    marun'tu aRaikOTalin koTitE, yAza n'in
    25
    arun'tiyOr n'ejcam azin'tu uka viTinE

    tannuL kaiyARu eytiTu kiLavi'yAl talaivi ARRALAyinavARu, tOzi talaivaRkuk kURiyatu


    130.vAyilkaL kURRu
    'n'ayanum, vAymaiyum, n'annar n'aTuvum,
    ivanin tOnRiya, ivai' ena iragka,
    purai tava n'ATi, poy taputtu, initu ANTa
    araicanOTu uTan mAyn'ta n'al Uzic celvam pOl,
    5
    n'irai katirk kanali pAToTu pakal cela,
    kallAtu mutirn'tavan kaN illA n'ejcam pOl,
    pal iruL parattarUum pulampu koL maruL mAlai
    im mAlai,
    aiyar avir azal eTuppa, arO, en
    10
    kaiyaRu n'ejcam kananRu tI maTukkum!
    im mAlai,
    irug kazi mA malar kUmpa, arO, en
    arum paTar n'ejcam azivoTu kUmpum!
    im mAlai,
    15
    kOvalar tIm kuzal inaiya, arO, en
    pU ezil uNkaN pulampu koNTu inaiyum!
    ena Agku,
    paTu cuTar mAlaiyoTu paital n'Oy uzappALai,
    kuTi puRagkAttu Ompum cegkOlAn viyan tAnai
    20
    viTuvazi viTuvazic cenRAgku, avar
    toTuvazit toTuvazi n'IgkinRAl pacappE

    piriviTai ARRAta talaiviyatu ARRAmai talaivan van'tu cArtalin n'Igkinamai kaNTu, vAyilkaL tammuLLE kURiyatu


    131.tOzi kURRu

    tOzi
    perum kaTal teyvam n'Ir n'Okkit teLittu, en
    tirun'tizai men tOL maNan'tavan ceyta
    arun' tuyar n'IkkuvEn pOlman porun'tupu
    pUk kavin koNTa pukaz cAl ezil uNkaN,
    5
    n'OkkugkAl n'Okkin aNagku Akkum, cAyalAy! tAkki
    ina mIn ikal mARa venRa cina mIn
    eRi cuRA vAn maruppuk kOttu, n'eRi ceyta
    n'eytal n'eTu n'Arp piNittu yAttu, kai uLarvin
    yAz icai koNTa ina vaNTu imirn'tu Arppa,
    10
    tAzAtu uRaikkum taTa malart taN tAzai
    vIz Ucal tUgkap peRin
    mAzai maTa mAn piNai iyal venRAy! n'in Ucal
    kaTaii yAn ikuppa, n'ITu UgkAy, taTa men tOL
    n'IttAn tiRagkaL pakarn'tu
    15
    n'ANinakol, tOzi? n'ANinakol, tOzi?
    iravu elAm n'al tOzi n'ANina enpavai
    vAL n'ilA Eykkum vayagku oLi ekkar mEl,
    AnAp pariya alavan aLai pukUum
    kAnal, kamaz jAzal vI Eyppa, tOzi! en
    20
    mEni citaittAn tuRai
    mAri vIz irug kUn'tal, mataiiya n'Okku ezil uNkaN,
    tAz n'Ira muttin takai Eykkum muRuvalAy!
    tEyA n'Oy ceytAn tiRam kiLan'tu n'Am pATum
    cEy uyar Ucal cIr n'I onRu pATittai
    25
    pArttu uRRana, tOzi! pArttu uRRana, tOzi!
    iravu elAm, n'al tOzi! pArttu uRRana enpavai
    'tan tuNai illAL varun'tinALkol?' ena,
    in tuNai anRil iravin akavAvE
    anRu, tAn Irtta karumpu aNi vATa, en
    30
    men tOL jekizttAn tuRai

    talaivi
    karai kavar koTug kazi, kaN kavar puLLinam
    tirai uRap ponRiya pulavu mIn allatai,
    irai uyir cekuttu uNNAt tuRaivanai yAm pATum
    acai varal Ucal cIr azittu, onRu pATittai
    35
    aruLinakol, tOzi? aruLinakol, tOzi?
    iravu elAm, tOzi! aruLina enpavai
    kaNam koL iTu maNal kAvi varun'ta,
    piNagku iru mOTTa tirai van'tu aLikkum
    maNam kamaz aimpAlAr UTalai AgkE
    40
    vaNagki uNarppAn tuRai

    tOzi
    ena, n'Am
    pATa, maRai n'inRu kETTanan, n'ITiya
    vAl n'Irk kiTakkai vayagku n'Irc cErppanai
    yAn ena uNarn'tu, n'I n'ani maruLa,
    45
    tEn imir punnai porun'ti,
    tAn Ukkinan, av Ucalai van'tE

    varaivu n'ITa ARRALAya talaiviyait tOzi avan mun arumai ceytu ayartta kAlattu,avan varavinai yAn aRin'tu, Ucal ATa n'innaik koNTu pOy ATukinRa kAlattu, yAn iyaRpazikka,n'I iyaRpaTa mozivatu kETTu, van'tu, Ucalai Ukkiyavan ik kAlattu varun'ta viTAtu, varuttam aRin'tu, varain'tu koLvan ena ARRuvittatu (14)


    132.tOzi kURRu
    uravu n'Irt tirai pora Ogkiya ekkarmEl,
    viravup pal uruvina vIz peTai tuNaiyAka,
    irai tErn'tu uNTu, acAviTUum puLLinam iRai koLa
    muraicu mUnRu ALpavar muraNiyOr muraN tapa,
    5
    n'irai kaLiRu iTai paTa, n'eRi yAtta irukkai pOl
    citaivu inRic cenRuzic ciRappu eyti, vinai vAyttu,
    tuRaiya kalam vAy cUzum tuNi kaTal taN cErppa!
    punnaiya n'aRum pozil puNarn'tanai irun'takkAl,
    'n'annutAl! ajcal Ompu' enRatan payan anRO
    10
    pAyina pacalaiyAl, pakal koNTa cuTar pOnRAL
    mAvina taLir pOlum mAN n'alam izan'tatai?
    pal malar n'aRum pozil pazi inRip puNarn'takkAl,
    'cinmozi! teLi' enat tERRiya ciRappu anRO
    vATupu vanappu OTi vayakku uRA maNi pOnRAL
    15
    n'ITu iRai n'eTu men tOL n'irai vaLai n'ekizn'tatai?
    aTumpu ivar aNi ekkar ATi n'I. 'maNan'takkAl,
    koTug kuzAy! teLi' enak koNTatan koLai anRO
    poRai ARRA n'ucuppinAl, pU vIn'ta koTi pOnRAL
    maRai piRar aRiyAmai mANA n'Oy uzan'tatai?
    20
    ena Agku
    vazipaTTa teyvamtAn vali enac cArn'tArkaN
    kaziyum n'Oy kaimmika aNagkuAkiyatu pOla,
    pazi paran'tu alar tURRa, en tOzi
    azi paTar alaippa, akaRalO koTitE

    varaivu n'ITTittuzip pakaRkuRi van'tu n'Igkum talaivanai etirppaTTu, tOziavanai n'ANu n'ejcu alaippa, varaivu kaTAyatu


    133.tOzi kURRu
    mA malar muNTakam tillaiyOTu orugku uTan
    kAnal aNin'ta uyar maNal ekkarmEl,
    cIr miku ciRappinOn maramutal kai cErtta
    n'Ir mali karakam pOl pazam tUgku muTat tAzaip
    5
    pU malarn'tavai pOla, puL alkum tuRaiva! kEL:
    'ARRutal' enpatu onRu alan'tavarkku utavutal;
    'pORRutal' enpatu puNarn'tAraip piriyAmai;
    'paNpu' enappaTuvatu pATu aRin'tu ozukutal;
    'anpu' enappaTuvatu tan kiLai ceRAamai;
    10
    'aRivu' enappaTuvatu pEtaiyAr col n'OnRal;
    'ceRivu' enappaTuvatu kURiyatu maRAamai;
    'n'iRai' enappaTuvatu maRai piRar aRiyAmai;
    'muRai' enappaTuvatu kaNNOTAtu uyir vauval;
    'poRai' enappaTuvatu pORRAraip poRuttal;
    15
    Agku atai aRin'tanir Ayin, en tOzi
    n'al n'utal n'alan uNTu tuRattal koNka!
    tIm pAl uNpavar koL kalam varaital;
    n'intalai varun'tiyAL tuyaram
    cenRanai kaLaimO; pUNka, n'in tErE!

    'varaivu uTampaTTOrk kaTAval vENTinum' enpatanAl, talaivan teruLAtavanait teruTTi, varaivu kaTAyatu


    134.vAyilkaL kURRu
    mallarai maRam cAytta malAt taN tAr akalattOn,
    ollAtAr uTanRu OTa, uruttu, uTan eRitalin,
    kol yAnai aNi n'utal azuttiya Azi pOl,
    kal cErpu jAyiRu katir vAgki maRaitalin,
    5
    irug kaTal olittu AgkE iravuk kANpatu pOla,
    perug kaTal Ota n'Ir vIgkupu karai cEra,
    pOoya vaNTinAl pullenRa tuRaiyavAy,
    pAyal koLpavai pOla, kaya malar vAy kUmpa,
    orun'ilaiyE n'aTukkuRRu, iv ulakelAm accuRa,
    10
    iru n'ilam peyarppu anna, evvam kUr maruL mAlai
    taval il n'Oy ceytavark kANAmai n'inaittalin,
    ikal iTum pani tina, evvattuL Azn'tu, AgkE,
    kavalai koL n'ejcinEn kaluz tara, kaTal n'Okki,
    avalam meyk koNTatu pOlum aHtu evankolO?
    15
    n'aTugku n'Oy ceytavar n'alkAmai n'inaittalin,
    kaTum pani kaimmika, kaiyARRuL Azn'tu, AgkE,
    n'aTugku n'Oy uzan'ta en n'alan aziya, maNal n'Okki,
    iTumpai n'Oykku ikuvana pOlum aHtu evankolO?
    vaiyinar n'alan uNTAr vArAmai n'inaittalin,
    20
    kaiyaRu n'ejcinEn kalakkattuL Azn'tu, AgkE,
    maiyal koL n'ejcoTu mayakkattAl, maran n'Okki,
    evvattAl iyanRa pOl, ilai kUmpal evan kolO?
    ena Agku,
    karai kANAp pauvattu, kalam citain'tu Azpavan
    25
    tirai tarap puNai peRRu, tItu inRi uyn'tAgku,
    viraivanar kAtalar pukutara,
    n'irai toTi tuyaram n'IgkinRAl, virain'tE

    piriviTai mAlaippozutu kaNTu ARRAta talaivi, 'iv vakaippaTTanavum n'amatu iTukkaN kaNTu evvam koNTana pOnRa; avarum n'amakku aruLuvAr kollO?' enac colliya n'ErattukkaN, talaivan puka, avvaLavil avaL avalam n'Igkinamai kaNTu, vAyilkaL tammuLLE kURiyatu (17)


    135.tOzi kURRu
    tuNai puNarn'tu ezutarum tU n'iRa valampuri
    iNai tiraL maruppAka, eRi vaLi pAkanA
    ayil tiNi n'eTug katavu amaittu, aTaittu, aNi koNTa
    eyil iTu kaLiRE pOl iTu maNal n'eTug kOTTaip
    5
    payiltirai, n'aTu n'annAL, pAyn'tu uRUum tuRaiva! kEL:
    kaTi malarp punnaik kIzk kArikai tORRALait
    toTi n'ekizn'ta tOLaLAt tuRappAyAl; maRRu n'in
    kuTimaikkaN periyatu Or kuRRamAyk kiTavAtO?
    Ay malarp punnaik kIz aNi n'alam tORRALai
    10
    n'Oy mali n'ilaiyaLAt tuRappAyAl; maRRu n'in
    vAymaikkaN periyatu Or vajcamAyk kiTavAtO?
    tikaz malarp punnaik kIzt tiru n'alam tORRALai
    ikaz malark kaNNaLAt tuRappAyAl; maRRu n'in
    pukazmaikkaN periyatu Or pukarAkik kiTavAtO?
    15
    ena Agku,
    collak kETTanai Ayin, vallE,
    aNi kiLar n'eTu varai alaikkum n'in akalattu,
    maNi kiLar Aram tAroTu tuyalvara
    uyagkinaL uyirkkum en tOzikku
    20
    iyagku oli n'eTun' tiN tEr kaTavumati, virain'tE

    varaiyAtu van'tu ozukum talaivanait tOzi n'erugki varaivu kaTAyatu.


    136.tOzi kURRu
    ivar, timil, eRitirai INTi van'tu alaittakkAl,
    uvaRu n'Ir uyar ekkar, alavan ATu aLai vari,
    taval il taN kazakattut tavirAtu vaTTippa,
    kavaRu uRRa vaTu Eykkum, kAmaru pUg kaTaR cErppa!
    5
    muttu uRaz maNal ekkar aLittakkAl, mun Ayam
    pattu uruvam peRRavan manam pOla, n'an'tiyAL
    at tiRattu n'I n'Igka, aNi vATi, av Ayam
    vittattAl tORRAn pOl, vey tuyar uzappavO?
    muTat tAzai muTukkaruL aLittakkAl, vittAyam
    10
    iTait tagkak kaNTavan manam pOla, n'an'tiyAL
    koTait takkAy! n'I Ayin, n'eRi allAk kati OTi
    uTaip poti izan'tAn pOl, uRu tuyar uzappavO?
    n'aRu vI tAz punnaik kIz n'ayan'tu n'I aLittakkAl,
    maRuvittam iTTavan manam pOla, n'an'tiyAL
    15
    aRivittu n'I n'Igkak karutiyAykku, ap poruL
    ciRuvittam iTTAn pOl, ceRituyar uzappavO?
    Agku
    koNTu palar tURRum kauvai ajcAy,
    tINTaRku aruLi, tiRan aRin'tu, ezIip
    20
    pANTiyam ceyvAn poruLinum
    INTuka, ivaL n'alam! ERuka, tErE!

    varaiviTai vaittup piriyak karutiya talaivanait tOzi ARRAmai kURi,celavu vilakki, varaivu kaTAyatu


    137.talaivi kURRu
    aritE, tOzi! n'AN n'iRuppAm enRu uNartal;
    peritE kAmam; en uyir tavac ciRitE;
    palavE yAmam; paiyuLum uTaiya;
    cilavE, n'ammOTu ucAvum anRil;
    5
    azal avir vayagku izai olippa, ulaman'tu,
    ezil ejcu mayilin n'aTugki, cEkkaiyin
    azal AkinRu, avar n'akkatan payanE
    melliya n'ejcu paiyuL kUra, tam
    collinAn eytamai allatu, avar n'ammai
    10
    vallavan taiiya, vAkku amai kaTu vicai
    villinAn eytalO ilarman; Ayizai!
    villinum kaTitu, avar collinuL piRan'ta n'Oy,
    n'akai mutalAka, n'aTpinuL ezun'ta
    takaimaiyin n'alital allatu, avar n'ammai
    15
    vakaimaiyin ezun'ta tol muraN mutalAka,
    pakaimaiyin n'alitalO ilarman; Ayizai!
    pakaimaiyin kaTitu, avar takaimaiyin n'aliyum n'Oy,
    n'IyalEn' enRu ennai anpinAl piNittu, tam
    cAyalin cuTutal allatu, avar n'ammaip
    20
    pAy iruL aRa n'Ikkum n'Oy tapu n'eTuj cuTart
    tIyinAl cuTutalO ilarman; Ayizai!
    tIyinum kaTitu, avar cAyalin kanalum n'Oy
    Agku
    annar kAtalarAka, avar n'amakku
    25
    in uyir pErttaruma maruttuvar Ayin,
    yAgku Avatukol? tOzi! enaiyatUum
    tAgkutal valittanRu Ayin,
    n'Igkaritu uRRa anRu, avar uRIiya n'OyE

    varaivu n'ITa ARRALAyina iTattu, talaivi ARRAmaiyai avaLtannAlE talaivaRku aRivikkal uRRa tOzi, talaivan ciRaippuRattAnAkat talaiviyai vaRpuRukka, avaL vanpuRai etir azin'tu kURiyatu


    138.talaivan kURRu
    ezil maruppu ezil vEzam ikutaru kaTAttAl
    tozil mARit talai vaitta tOTTi kai n'imirn'tAgku,
    aRivum, n'am aRivu Ayn'ta aTakkamum, n'ANoTu,
    vaRitAka piRar ennai n'akupavum, n'akupu uTan,
    5
    min avir n'uTakkamum kanavum pOl, mey kATTi
    en n'ejcam ennOTu n'illAmai n'ani vauvi,
    tan n'alam karan'tALait talaippaTum ARu evankolO?
    maNip pIli cUTTiya n'UloTu, maRRai
    aNip pULai, Avirai, erukkoTu, piNittu, yAttu,
    10
    mallal Ur maRukinkaN ivaT pATum, iHtu ottan
    ellIrum kETTImin enRu
    paTarum panai InRa mAvum cuTar izai,
    n'alkiyAL, n'alkiyavai
    poRai en varaittu anRi, pUn'utal Itta
    15
    n'iRai azi kAma n'Oy n'In'ti, aRai uRRa
    uppu iyal pAvai uRai uRRatu pOla,
    ukkuviTum en uyir
    pULai, pola malar Avirai vEy venRa
    tOLAL emakku Itta pU
    20
    uritu en varaittu anRi, oLLizai tan'ta
    paricu azi paital n'Oy mUzki, eri paran'ta
    n'eyyuL mezukin n'ilaiyAtu, pai payat
    tEyum aLittu en uyir
    iLaiyArum, Etilavarum uLaiya, yAn
    25
    uRRatu ucAvum tuNai
    enRu yAn pATak kETTu,
    anpuRu kiLaviyAL aruLi van'tu aLittalin
    tunpattil tuNaiyAya maTal ini ivaL peRa
    inpattuL iTampaTal enRu iragkinaL anpuRRu,
    30
    aTagku arun' tORRattu arun' tavam muyanROr tam
    uTampu ozittu uyar ulaku initu peRRAgkE

    maTal Urn'tu talaiviyai eytiya talaivan tAn maTal Urn'tavARum, avaLai eytiyavARum, tanakkup pAgkAyinArkkuk kURiyatu


    139.talaivan kURRu
    cAnRavir, vAziyO! cAnRavir! enRum
    piRar n'Oyum tam n'Oy pOl pORRi, aRan aRital
    cAnRavarkku ellAm kaTan AnAl, iv irun'ta
    cAnRIr! umakku onRu aRivuRuppEn: mAnRa
    5
    tuLi iTai minnup pOl tOnRi, orutti,
    oLiyOTu uru ennaik kATTi, aLiyaL, en
    n'ejcu ARu koNTAL; ataRkoNTum tujcEn,
    aNi alagku Aviraip pUvOTu erukkin
    piNaiyal am kaNNi milain'tu, maNi Arppa,
    10
    Ogku irum peNNai maTal Urn'tu, en evva n'Oy
    tAgkutal tERRA iTumpaikku uyirppAka
    vIgku izai mAtar tiRattu onRu, n'IgkAtu,
    pATuvEn, pAy mA n'iRuttu
    yAmattum ellaiyum evvat tirai alaippa,
    15
    'mA mElEn' enRu, maTal puNaiyA n'In'tuvEn
    tE mozi mAtar uRAatu uRIiya
    kAmak kaTal akappaTTu
    uyyA aru n'Oykku uyavAkum maiyal
    uRIiyAL Itta im mA
    20
    kANun'ar eLLak kalagki, talai van'tu, en
    AN ezil muRRi uTaittu uL azittarum
    'mAN izai mAtarAL Eer' ena, kAmanatu
    ANaiyAl van'ta paTai
    kAmak kaTum pakaiyin tOnRinERku Emam
    25
    ezin'utal Itta im mA
    akai eri AnAtu, en Ar uyir ejcum
    vakaiyinAl, uLLam cuTutarum mannO
    mukai Er ilagku eyiRRu in n'akai mAtar
    takaiyAl talaikkoNTa n'ejcu!
    30
    azal manRa, kAma aru n'Oy; n'izal manRa,
    n'Erizai Itta im mA
    Agku atai,
    aRin'tanir Ayin, cAnRavir! tAn tavam
    orIi, tuRakkattin vazIi, AnROr
    35
    uL iTappaTTa aracanaip peyarttu, avar
    uyarn'ilai ulakam uRIiyAgku, en
    tuyar n'ilai tIrttal n'umtalaik kaTanE

    maTal ERukinRa talaivan cAnROrkkuk kURiyatu


    140.talaivan kURRu
    kaNTavir ellAm katumena van'tu, AgkE,
    paNTu aRiyAtIr pOla n'OkkuvIr; koNTatu
    mA enRu uNarmin; maTal anRu: maRRu ivai
    pU alla; pULai, uzijaiyOTu, yAtta
    5
    puna varai iTTa vayagku tArp pIli,
    piTi amai n'UloTu peym maNi kaTTi,
    aTar pon avir Eykkum Avirag kaNNi:
    n'eTiyOn makan n'ayan'tu tan'tu, Agku anaiya
    vaTiya vaTin'ta vanappin, en n'ejcam
    10
    iTiya iTaik koLLum cAyal, oruttikku
    aTiyuRai kATTiya celvEn; maTiyanmin;
    annEn oruvanEn, yAn
    ennAnum, 'pATu' enil, pATavum vallEn, ciRitu; AgkE,
    'ATu' enil, ATalum ARRukEn; pATukO
    15
    en uL iTumpai taNikkum marun'tAka,
    n'annutal Itta im mA?
    tigkaL aravu uRin, tIrkkalAr Ayinum,
    tam kAtal kATTuvar, cAnRavar in cAyal
    oNToTi n'Oy n'Okkil paTTa en n'ejca n'Oy
    20
    kaNTum, kaNNOTAtu, iv Ur
    tAgkAc cinattoTu kATTi uyir cekukkum
    pAmpum avaip paTil, uyyumAm pUg kaN
    vaNarn'tu oli aimpAlAL ceyta ik kAmam
    uNarn'tum, uNarAtu, iv Ur
    25
    vej cuzip paTTa makaRkuk karai n'inRAr
    ajcal enRAlum uyirppu uNTAm am cIrc
    ceRin'ta Er muRuvalAL ceyta ik kAmam
    aRin'tum, aRiyAtu, iv Ur
    Agka
    30
    en kaN iTumpai aRIiyinen; n'umkaN
    teruLuRa n'Okkit teriyugkAl, inna
    maruLuRu n'OyoTu mammar akala,
    iruLuRu kUn'talAL ennai
    aruLuRac ceyin, n'umakku aRanumAr atuvE

    'maTal ERuvEn' enRa talaivan kaNTArkkuk kURiyatu


    141.talaivan kURRum kaNTOr kURRum
    aritinin tOnRiya yAkkai puripu tAm
    vETTavai ceytu, Agku, kATTi maRRu AgkE,
    aRam poruL inpam enRu am mUnRin onRan
    tiRam cErAr ceyyum tozilkaL aRain'tanRu
    5
    aNi n'ilaip peNNai maTal Urn'tu, orutti
    aNi n'alam pATi varaRku
    OrorukAl uLvaziyaL Aki, n'iRai mati
    n'IruL n'izal pOl, koLaRku ariyaL pOruL
    aTal mAmEl ARRuvEn ennai maTalmAmEl
    10
    manRam paTarvittavaL vAzi, cAnRIr!
    poy tIr ulakam eTutta koTimicai,
    mai aRu maNTilam vETTanaL vaiyam
    puravu Ukkum uLLattEn ennai iravu Ukkum
    innA iTumpai ceytAL amma, cAnRIr!
    15
    karan'tAgkE innA n'Oy ceyyum; maRRu iHtO
    paran'ta cuNagkin paNait tOLAL paNpu?
    iTi umiz vAnattu, iravu iruL pOzum
    koTi minnuk koLvEn enRannaL vaTi n'Avin
    vallAr mun col vallEn ennaip piRar munnark
    20
    kallAmai kATTiyavaL vAzi, cAnRIr!
    enRu, AgkE,
    varun'ta mA Urn'tu, maRukinkaN pATa,
    tirun'tizaikku otta kiLavi kETTu, AgkE,
    porun'tAtAr pOr val vazutikku arun' tiRai
    25
    pOla, koTuttAr, tamar

    iran'tu pinninRa talaivan maTal ERiyavazi, avaL tamar ajci, talaiviyaik koNTu van'tu koTuttalaik kaNTOr kURiyatu


    142.kaNTOr kURRum talaivi kURRum
    purivuNTa puNarcciyuL pul ArA mAttirai,
    arukuvittu oruvarai akaRRalin, terivArkaN,
    ceya n'inRa paNNinuL cevi cuvai koLLAtu,
    n'ayam n'inRa poruL keTap puri aRu n'arampinum
    5
    payan inRu manRamma, kAmam ivaL mannum
    oL n'utal AyattAr OrAgkut tiLaippinum,
    muL n'unai tOnRAmai muRuval koNTu aTakki, tan
    kaNNinum mukattinum n'akupavaL; peN inRi
    yAvarum taN kural kETpa, n'irai veN pal
    10
    mI uyar tOnRa, n'akAa, n'akkAgkE,
    pU uyirttanna pukaz cAl ezil uNkaN
    Ay itaz malka azum
    Oo! azitakap pArAtE, allal kuRukinam;
    kANpAm kanagkuzai paNpu
    15
    enRu, ellIrum en ceytIr? ennai n'akutirO?
    n'alla n'akAalir maRkolO yAn uRRa
    allal uRIiyAn mAya malar mArpu
    pullip puNarap peRin
    'ellA! n'I uRRatu evanO maRRu?' enRIrEl, 'eR citai
    20
    ceytAn ivan' ena, 'uRRatu itu' ena,
    eyta uraikkum uran akattu uNTAyin,
    paitala Akip pacakkuvamannO en
    n'eytal malar anna kaN?
    kOTu vAy kUTAp piRaiyai, piRitu onRu
    25
    n'ATuvEn, kaNTanen; ciRRiluL kaNTu, AgkE,
    ATaiyAn mUuy akappaTuppEn; cUTiya,
    kANAn tiritarumkollO maNi miTaRRu
    mAN malark konRaiyavan?
    'teLLiyEm' enRu uraittu, tErAtu, oru n'ilaiyE,
    30
    'vaLLiyai Aka!' ena n'ejcai valiyuRIi,
    uLLi varukuvarkollO? vaLain'tu yAn
    eLLi irukkuvEn maRkolO? n'aLLiruL
    mAn'tar kaTi koNTa kagkul, kanavinAl,
    tOnRinanAka, toTuttEnman, yAn; tannaip
    35
    paiyenak kANku vizippa, yAn paRRiya
    kaiyuLE, mAyn'tAn, karan'tu
    katir pakA jAyiRE! kal cErtiAyin,
    avarai n'inaittu, n'iRuttu en kai n'ITTit
    tarukuvaiAyin, tavirum en n'ejcattu
    40
    uyir tiriyA mATTiya tI
    mai il cuTarE! malai cErti n'I Ayin,
    pauva n'Irt tOnRip pakal ceyyum mAttirai,
    kaiviLakkAkak katir cila tArAy! en
    toyyil citaittAnait tErku
    45
    citaittAnaic ceyvatu evankolO? emmai
    n'ayan'tu, n'alam citaittAn
    manRap panaimEl malai mAn' taLirE! n'I
    tonRu iv ulakattuk kETTum aRitiyO?
    men tOL jekizttAn takai allAl, yAn kANEn
    50
    n'anRu tItu enRu piRa
    n'Oy eriyAkac cuTinum, cuzaRRi, en
    Ay itaz uLLE karappan karan'tAgkE
    n'Oy uRu ven' n'Ir: teLippin, talaik koNTu
    vEvatu, aLittu iv ulaku
    55
    meliyap poRuttEn; kaLain'tImin cAnRIr!
    n'alitarum kAmamum kauvaiyum enRu, iv
    valitin uyir kAvAt tUgki, Agku, ennai
    n'aliyum vizumam iraNTu
    enap pATi,
    60
    inain'tu n'on'tu azutanaL; n'inain'tu n'ITu uyirttanaL;
    ellaiyum iravum kazin'tana enRu eNNi, ellirA
    n'alkiya kELvan ivan manRa, mella
    maNiyuL paran'ta n'Ir pOlat tuNivAm
    kalam citai illattuk kAz koNTu tERRak
    65
    kalagkiya n'IrpOl teLin'tu, n'alam peRRAL,
    n'al ezil mArpanaic cArn'tu

    'pozutu talai vaitta kaiyaRu kAlai, iRan'ta pOlak kiLakkum kiLavi, maTanE varuttam maruTkai mikutiyoTu, avai n'AR poruTkaN n'ikazum enpa.' iccUttiram,' pinnar n'Ankum perun'tiNai peRumE' enRa ciRappuTaip perun'tiNai anRi, perun'tiNaik kuRippAkak kan'taruvattuTpaTTu vazuvi varum 'ERiya maTal tiRam' mutaliya n'AnkanuL onRAy,munnar n'ikazn'ta kan'taruvam pinnar vazuvi van'ta 'tERutal ozin'ta kAmattu miku tiRam' Akiya perun'tiNai vazuvamaikkinRatu. Otalum tUtum ozin'ta pakaivayiR pirivAkiya vALAN etirum pirivum, muTiyuTai vEn'tarkkum avar Evalin piriyum aracarkkum inRiyamaiyAmaiyin,ap pirivil pirikinRAn, 'vanpuRai kuRittal tavircciyAkum' enpatAl, kaRpup pOla n'I ivvARu ozuki, yAn varun'tuNaiyum ARRi iru' ena ARRuvittup pirital ilakkaNam anmaiyin, vALA piriyum anRE? agganam pirin'tuzi, avan kURiya kURRinaiyE koNTu ARRuvikkum tOzikkum ARRuvittal arituAkalin, avaTku anpu inRi n'IgkinAn enRu, ARRAmai mikku ANTup perun'tiNaip pakuti n'ikazum enRu uNarka. (itan poruL): pozutu an'tik kAlattE: kaiyaRu kAlai ' puRam ceyac citaittal' ennum cUttirattil, 'atanin Ugku inRu' enak kURiya kaiyaRavu uraittal ennum meyppATu eytiya kAlattE; talai vaitta an'ta ARAm aRutiyin ikan'tanavAka muTivilE vaikkappaTTa meyppATukaL; mikutiyoTu maTanE varuttam maruTkai n'AR poruTkaN n'ikazum tan vanappu mikutiyuTanE maTappamum ARRAmaiyum viyappum Akiya n'Anku poruTkaNNE n'aTakkum; avai iRan'ta pOlak kiLakkum kiLavienpa agganam avai n'aTakkinRa n'Anku poruLum kURRu n'ikazugkAl, tannaika kaikaTan'tana pOlak kURum kURRAy n'ikazum enRu kURuvar pulavar enRavARu. talai vaitta meyppATu Avana: 'ARAm aRutiyinum oppat tOnRutaRku uriya meyppATukaLAy manRattu irun'ta cAnROr aRiya, tan tuNaivan peyarum, peRRiyum,avanoTu puNarn'tamaiyum, tOnRak kURiyum, azutum, araRRiyum, pozutoTu pulampiyum, jAyiRu mutaliyavaRROTu kURattakAtana kURutalum, piRavum Am' ennum viti paRRi varaiviTaip pirin'tu n'ITTittuzi, talaivi pirivu ARRakillAtu n'ANu varai iRan'tu kalagki mozin'tu aRivu azin'tuzi, avan van'tu cArat teLin'tamai kaNTAr kURiRRu enRu kURiyatu. (25)


    143.kaNTAr kURRum talaivi kURRum
    'akal AgkaN, iruL n'Igki, aNi n'ilAt tikazn'ta pin,
    pakal AgkaN paiyenRa matiyam pOl, n'akal inRu
    n'al n'utal n'Itta tilakattaL, "minni
    maNi poru pacum ponkol? mA InRa taLirinmEl
    5
    kaNikAram koTkumkol?" enRAgku aNi cela
    mEni maRaitta pacalaiyaL, AnAtu
    n'ejcam veRiyA n'inaiyA, n'ilan n'OkkA,
    ajcA, azAa, araRRA, iHtu otti
    en ceytALkol?' enpIr! kETTImin pon ceytEn
    10
    maRaiyin tan yAz kETTa mAnai aruLAtu,
    aRai konRu, maRRu atan Ar uyir ejca,
    paRai aRain'tAgku, oruvan n'IttAn avanai
    aRai n'ava n'ATTil n'Ir koNTu tarin, yAnum
    n'iRai uTaiyEn AkuvEnmanRa maRaiyin en
    15
    men tOL n'ekizttAnai mEey, avan AgkaN
    cenRu, cETpaTTatu, en n'ejcu
    'onRi muyagkum' enRu, en pin varutir; maRRu AgkE,
    'uyagkinAL' enRu, Agku ucAtir; 'maRRu an'tO
    mayagkinAL!' enRu maruTir; kalagkanmin
    20
    in uyir annArkku enaittu onRum tItu inmai
    en uyir kATTAtO maRRu?
    'pazi tapu jAyiRE! pATu aRiyAtArkaN
    kaziyak katazvai' enak kETTu, n'innai
    vazipaTTu irakkuvEn van'tEn en n'ejcam
    25
    aziyat tuRan'tAnaic cIRugkAl, ennai
    oziya viTAtImO enRu
    azitaka mAan' taLir koNTa pOztinAn, iv UrAr
    tAam taLir cUTit tam n'alam pATupa;
    Aam taLirkkum iTaic cenRAr mILtarin,
    30
    yAam taLirkkuvEmman
    n'eytal n'eRikkavum vallan; n'eTu men tOL
    pey karumpu Irkkavum vallan; iLa mulaimEl
    toyyil ezutavum vallan; tan kaiyil
    cilai vallAn pOlum ceRivinAn; n'alla
    35
    pala vallan tOL ALpavan
    n'inaiyum en uLLampOl, n'eTug kazi malar kUmpa;
    inaiyum en n'ejcampOl, inam kAppAr kuzal tOnRa;
    cAya en kiLavipOl, cevvazi yAz icai n'iRpa;
    pOya en oLiyEpOl, oru n'ilaiyE pakal mAya;
    40
    kAlanpOl van'ta kalakkattOTu entalai
    mAlaiyum van'tanRu, ini
    iruLoTu yAn Igku uzappa, en inRip paTTAy;
    aruL ilai; vAzi! cuTar!
    INTu n'Ir jAlattuL em kELvar illAyin,
    45
    mANTa manam peRRAr mAcu il tuRakkattu
    vENTiya vENTiyAgku eytutal vAyenin,
    yANTum, uTaiyEn icai,
    Ur alar tURRum; iv uyyA vizumattup
    pIr alar pOlap periya pacan'tana
    50
    n'Ir alar n'Ilam ena, avarkku, ajjAnRu,
    pEr ajar ceyta en kaN
    tan uyir pOlat tazIi, ulakattu
    man uyir kAkkum im mannanum en kolO
    in uyir annAnaik kATTi, enaittu onRum
    55
    en uyir kAvAtatu?
    ena Agku,
    manniya n'OyoTu maruL koNTa manattavaL
    pal malai iRan'tavan paNin'tu van'tu aTi cEra,
    tennavaR teLitta tEem pOla,
    60
    in n'akai eytinaL, izan'ta tan n'alanE

    ituvum atu


    144.kaNTOr kURRum talaivi kURRum
    n'annutAal! kANTai: n'inaiyA, n'eTitu uyirA,
    en uRRALkollO? iHtu otti pal mAN
    n'akutarum tan n'ANuk kaiviTTu, ikutarum
    kaNNIr tuTaiyA, kavizn'tu, n'ilan n'Okki,
    5
    anna iTumpai pala ceytu, tannai
    vinavuvArkku Etila colli, kanavupOl:
    teruLum maruLum mayagki varupavaL
    kURupa kELAmO, cenRu?
    'ellA! n'I en aNagku uRRanai? yAr n'in itu ceytAr?
    10
    n'in uRRa allal urai' ena, ennai
    vinavuvIr! teRRenak kENmin: oruvan,
    'kuraRkUn'tAl! en uRRa evvam n'inakku yAn
    uraippanait tagkiRRu, en in uyir' enRu,
    maruvu UTTi, mARiyataRkoNTu, enakku
    15
    maruvu uzip paTTatu, en n'ejcu
    egkum terin'tu, atu koLvEn, avan uLvazi
    pogku iru mun'n'Ir akam ellAm n'Okkinai
    tigkaLuL tOnRi irun'ta kuRu muyAl!
    em kEL itan akattu uLvazik kATTImO?
    20
    kATTIyAy Ayin, kata n'Ay koLuvuvEn;
    vETTuvar uLvazic ceppuvEn; ATTi
    matiyoTu pAmpu maTuppEn mati tirin'ta
    en allal tIrAy enin
    enRu, AgkE, uL n'inRa evvam uraippa, matiyoTu
    25
    veN mazai OTip pukuti; ciRitu ennaik
    kaNNOTinAy pORi, n'I
    n'ITu ilait tAzait tuvar maNaR kAnaluL
    OTuvEn; OTi oLippEn; poziltoRum
    n'ATuvEn; kaLvan karan'tirukkaRpAlankol?
    30
    Ay pU aTumpin alarkoNTu, utuk kAN, em
    kOtai punain'ta vazi
    utuk kAN cAay malar kATTi, cAlpilAn, yAm ATum
    pAvai koNTu OTiyuzi
    utuk kAN toyyil poRitta vazi
    35
    utuk kAN 'taiyAl! tERu' enat tERRi, aRanillAn
    paiya muyagkiyuzi
    aLiya en uLLattu, uyavut tEr Urn'tu,
    viLiyA n'Oy ceytu, iRan'ta anpilavanait
    teLiya vicumpinum jAlattakattum
    40
    vaLiyE! etirpOm pala katir jAyiRRu
    oLi uLvazi ellAm cenRu; munipu emmai
    uNmai n'alan uNTu oLittAnaik kATTImO;
    kATTAyEl, maNNakam ellAm orugku cuTuvEn, en
    kaNNIr azalAl teLittu
    45
    pENAn tuRan'tAnai n'ATum iTam viTAyAyin
    piRagku iru mun'n'Ir! veRu maNalAkap
    puRagkAlin pOka iRaippEn; muyalin,
    aRam puNaiyAkalum uNTu
    tuRan'tAnai n'ATit tarukiRpAy Ayin, n'inakku onRu
    50
    pATuvEn, en n'Oy uraittu
    pulliya kELir puNarum pozutu uNarEn
    elli Aka, 'ellai' enRu, AgkE, pakal munivEn;
    elliya kAlai irA, munivEn; yAn uRRa
    allal kaLaivAr ilEn
    55
    Oo! kaTalE! teRRenak kaNNuLLE tOnRa imai eTuttu,
    'paRRuvEn' enRu, yAn vizikkugkAl, maRRum en
    n'ejcattuL OTi oLittu, AgkE, tujcA n'Oy
    ceyyum, aRanillavan
    Oo! kaTalE! Ur talaikkoNTu kanalum kaTun' tIyuL
    60
    n'Ir peytakkAlE cinam taNiyum; maRRu iHtO
    Iram il kELvan uRIiya kAmat tI
    n'IruL pukinum, cuTum
    Oo! kaTalE! 'eRRamilATTi en EmuRRAL?' enRu, in' n'Oy
    uRRu aRiyAtArO n'akuka! n'ayan'tAgkE
    65
    iRRA aRiyin, muyagkalEn, maRRu ennai
    aRRattu iTTu ARRu aRuttAn mArpu
    Agku
    kaTaloTu pulampuvOL kalagku ajar tIra,
    keTal arug kAtalar tunaitara, piNi n'Igki,
    70
    aRan aRin'tu ozukum agkaNALanait
    tiRan ilAr eTutta tI mozi ellAm
    n'al avaiyuL paTak keTTAgku,
    illAkinRu, avaL Ay n'utal pacappE

    ituvum atu


    145.kaNTOr kURRum talaivi kURRum
    'tunaiyun'ar vizai takka ciRappuppOl, kaNTArkku
    n'anavinuL utavAtu n'aLLiruL vERAkum
    kanavin n'ilaiyinRAl, kAmam; orutti
    uyirkkum; ucAam; ulamvarum; OvAL,
    5
    kayal purai uNkaN arippa ari vAra,
    peyal cEr mati pOla, vAL mukam tOnRa,
    pala oli kUn'talAL, paNpu ellAm tuyttut
    tuRan'tAnai uLLi, azUum; avanai
    maRan'tALpOl Ali n'akUum; maruLum;
    10
    ciRan'ta tan n'ANum n'alanum n'inaiyAtu,
    kAmam munaiiyAL, alan'tAL' enRu, enaik kANa,
    n'akAnmin; kURuvEn, mAkkAL! mikAatu,
    makaLir tOL cErn'ta mAn'tar tuyar kUra n'Ittalum,
    n'IL curam pOkiyAr vallai van'tu aLittalum,
    15
    Uz ceytu, iravum pakalumpOl, vERAki,
    vIzvArkaN tOnRum; taTumARRam jAlattuL
    vAzvArkaTku ellAm varum
    tAzpu, tuRan'tu, toTi n'ekizttAn pOkiya kAnam
    iRan'tu eri n'aiyAmal, pAay muzagki
    20
    vaRan'tu ennai ceytiyO,vAnam? ciRan'ta en
    kaNNIrk kaTalAl, kanai tuLi vIcAyO,
    koNmUk kuzIi mukan'tu?
    n'umakku evan pOlumO? UrIr! emakkum em
    kaNpAyal koNTu, uLLAk kAtalavan ceyta
    25
    paNpu tara van'ta en toTar n'Oy vEtu
    koLvatu pOlum, kaTum pakal? jAyiRE!
    ellAk katirum parappi, pakaloTu
    cellAtu n'inRIyal vENTuval; n'I cellin,
    pullen maruL mAlaip pOztu inRu van'tu ennaik
    30
    kollAtu pOtal aritAl; atanoTu yAn
    cellAtu n'iRRal ilEn
    ollai em kAtalark koNTu, kaTal Urn'tu, kAlain'AL,
    pOtarin kANkuvEnmannO paniyoTu
    mAlaip pakai tAgki, yAn?
    35
    iniyan enRu OmpaTuppal, jAyiRu! ini
    oL vaLai OTat tuRan'tu, tuyar ceyta
    kaLvanpAl paTTanRu, oLittu ennai, uLLi
    perug kaTal pullena, kAnal pulampa,
    irug kazi n'eytal itaz potin'tu tOnRa,
    40
    virin'tu ilagku veN n'ilA vIcum pozutinAn,
    yAn vENTu oruvan, en allal uRIiyAn;
    tAn vENTupavarOTu tujcumkol, tujcAtu?
    vAnum, n'ilanum, ticaiyum, tuzAvum en
    AnAp paTar mikka n'ejcu
    45
    Uravarkku ellAm peru n'akai Aki, en
    Ar uyir ejcumman; agku n'I cenRI
    n'ilavu umiz vAn tigkAL! Ay toTi koTpa,
    aLi puRam mARi, aruLAn tuRan'ta ak
    kAtalan ceyta kalakkuRu n'Oykku EtilAr
    50
    ellArum tERRar, marun'tu
    vinaik koNTu en kAma n'Oy n'Ikkiya UrIr!
    enaittAnum eLLinum, eLLalan, kELvan;
    n'inaippinum, kaNNuLLE tOnRum; anaittaRkE
    EmarAtu, EmarA ARu
    55
    kanai iruL vAnam! kaTal mukan'tu, enmEl
    uRaiyoTu n'inRIyal vENTum, orugkE
    n'iRai vaLai koTpittAn ceyta tuyarAl
    iRai iRai pottiRRut tI
    enap pATi,
    60
    n'OyuTai n'ejcattu eRiyA, inaipu Egki,
    'yAvirum em kELvaR kANIrO?' enpavaTku,
    ArvuRRa pUcaRku aRampOla, Eytan'tAr;
    pAyal koNTu uLLAtavarai varak kaNTu,
    mAyavan mArpil tiruppOl avaL cEra,
    65
    jAyiRRu munnar iruLpOla mAyn'tatu en
    Ayizai uRRa tuyar

    ituvum atu


    146.kaNTOr kURRum talaivi kURRum
    urai cela uyarn'tu Ogki, cErn'tArai oru n'ilaiyE
    varai n'illA vizumam uRIi, n'aTukku uraittu, teRal mAlai
    araicinum anpu inRAm, kAmam; purai tIra,
    anna men cEkkaiyuL ArAtu, aLittavan
    5
    tunni akala, tuRan'ta aNiyaLAy,
    n'ANum n'iRaiyum uNarkallAL, tOL jekizpu,
    pEr amar uNkaN n'iRai malka, an' n'Ir tan,
    kUr eyiRu ATi, kuvimulaimEl vArtara,
    tEr vazi n'inRu terumarum; Ayizai
    10
    kURupa kELAmO, cenRu?
    'ellizAy! eRRi varain'tAnai, n'ANum maRan'tAL' enRu,
    uRRanir pOla, vinavutir! maRRu itu
    kETTImin, ellIrum van'tu
    vaRam teRa mARRiya vAnamum pOlum;
    15
    n'iRain'tu ennai mAyppatu Or veLLamum pOlum
    ciRan'tavan tU aRa n'Ippa, piRagki van'tu,
    enmEl n'ilaiiya n'Oy
    'n'akku n'alanum izan'tAL, ivaL' ennum
    takkavir pOlum! izan'tilEnmannO
    20
    mikka en n'ANum, n'alanum, en uLLamum,
    ak kAl avanuzai AgkE ozin'tana!
    uk kAN iHtO uTampu uyirkku URRAka,
    cekkar am puLLit tikiri alavanoTu, yAn
    n'akkatu, pal mAN n'inain'tu
    25
    karai kANA n'OyuL azun'tAtavanaip
    purai tavak kURi, koTumai n'uvalvIr!
    varaipavan ennin akalAn avanai,
    tirai tarum mun'n'Ir vaLAakam ellAm,
    n'irai katir jAyiRRai, n'ATu enREn; yAnum
    30
    urai kETpuzi ellAm celvEn; purai tIrn'tAn
    yANTu oLippAnkollO maRRu?
    maruL kUr piNai pOl mayagka, ven' n'Oy ceyyum
    mAlaiyum van'tu, mayagki, eri n'uti
    yAmam talai van'tanRuAyin, ataRku en n'Oy
    35
    pATuvEn, pallAruL cenRu
    yAn uRRa evvam uraippin, palart tuyiRRum
    yAmam! n'I tujcalaiman
    etirkoLLum jAlam, tuyil ArAtu AgkaN
    mutirpu enmEl muRRiya ven' n'Oy uraippin,
    40
    katirkaL mazugki, matiyum atirvatu pOl
    OTic cuzalvatuman
    pEr Ur maRukil perun' tuyiR cAnRIrE!
    n'Iraic ceRuttu, n'iRaivuRa Ompumin
    kAr talaikkoNTu poziyinum, tIrvatu
    45
    pOlAtu, en meyk kanalum n'Oy
    iruppinum n'ejcam kanalum; celinE,
    varuttuRum yAkkai; varun'tutal ARREn;
    aruppam uTaittu, ennuL evvam porutti,
    poRi cey punai pAvai pOla, vaRitu uyagkic
    50
    celvEn, vizumam uzan'tu
    ena Agkup pATa, aruL uRRu,
    vaRam kUr vAnattu vaL uRaikku alamarum
    puLLiRku atu pozin'tAagku, maRRut tan
    n'al ezil mArpan muyagkalin,
    55
    allal tIrn'tanRu, Ayizai paNpE

    ituvum atu


    147.kaNTOr kURRum talaivi kURRum
    ARu alla mozi tORRi, aRa vinai kalakkiya,
    tERukaL n'aRavu uNTAr mayakkampOl, kAmam
    vERu oru pARRu AnatukollO? cIRaTic
    cilampu Arppa, iyaliyAL ivaL mannO, ini mannum
    5
    pulampu Urap pullenRa vanappinAL vilagku Aka,
    vEl n'uti uRa n'Okki, veyil uRa, urukum tan
    tOL n'alam uNTAnaik keTuttAL pOl, teruvil paTTu,
    UN yAtum ilaL Aki, uyirinum ciRan'ta tan
    n'AN yAtum ilaL Aki, n'akutalum n'akUum; AgkE
    10
    peNmaiyum ilaL Aki azutalum azUum: tOzi! Or
    oNNutal uRRatu uzaic cenRu kELAmO?
    ivar yAvar EmuRRAr kaNTIrO? Oo!
    amaiyum tavaRilIr maRkolO n'akaiyin
    mikkatan kAmamum onRu enpa; am mA
    15
    putu n'alam pU vATiyaRRu, tAm vIzvAr
    mati maruLa n'IttakkaTai
    ennaiyE mUci, katumena n'Okkanmin van'tu
    kalaiiya kaN, puruvam, tOL, n'ucuppu, Eer
    cila mazaipOl tAzn'tu iruNTa kUn'tal, avaRRai
    20
    vilai vaLam mARa aRiyAtu, oruvan
    valai akappaTTatu en n'ejcu
    vAziya, kELir!
    palavum cUL tERRit teLittavan ennai
    mulaiyiTai vAgki muyagkinan, n'Itta
    25
    kolaivanaik kANEnkol, yAn?
    kANinum, ennai aRitir; katir paRRi,
    Agku etir n'Okkuvan jAyiRE! em kELvan
    yAgku uLan Ayinum kATTImO? kATTAyEl,
    vAnattu evan ceyti, n'I?
    30
    Ar iruL n'Ikkum vicumpin mati pOla,
    n'IruLLum tOnRuti, jAyiRE! av vazit
    tErai tinappaTal Ompu
    n'alkA oruvanai n'ATi yAn koLvanai,
    pal katir cAmpip pakal oziya, paTTImO
    35
    cel katir jAyiRE! n'I
    aRAal inRu ari munkaik koTkum
    paRAap parun'tinkaN paRRip puNarn'tAn
    kaRAa erumaiya kATu iRan'tAnkollO?
    uRAat takai ceytu, iv Ur uLLAnkollO?
    40
    ceRAatu uLanAyin, koLvEn; avanaip
    peRAatu yAn n'OvEn; avanai eR kATTic
    cuRAak koTiyAn koTumaiyai, n'Iyum,
    uRAa araica! n'in OlaikkaN koNTI,
    maRAa araica! n'in mAlaiyum van'tanRu;
    45
    aRAa taNika, in' n'Oy
    tan n'ejcu oruvaRku inaivittal, yAvarkkum
    annavO kAma! n'in ampu?
    kaiyARu ceytAnaik kANin, kaluz kaNNAl
    paiyena n'OkkuvEn; tAz tAnai paRRuvEn;
    50
    aiyam koNTu, ennai aRiyAn viTuvAnEl
    oyyenap pUcal iTuvEnman, yAn avanai
    meyyAkak kaLvanO enRu
    vinavanmin Uravir! ennai, ejjAnRum
    maTAa n'aRavu uNTAr pOla, maruLa
    55
    viTAatu uyiroTu kUTiRRu en uNkaN
    paTAamai ceytAn toTarpu
    kanavinAn kANiya, kaN paTAAyin,
    n'anavinAn, jAyiRE! kATTAy n'IAyin,
    panai InRa mA Urn'tu, avan vara, kAman
    60
    kaNai irappEn, kAl pullikkoNTu
    ena Agku,
    kaN inaipu, kaluzpu EgkinaL;
    tOL jekizpu, vaLai n'ekizn'tanaL;
    annaiyO! ellIrum kANmin; maTavaral
    65
    mel n'aTaip pETai tunaitara, taR cErn'ta
    anna vAn cEval puNarccipOl, oNNutal
    kAtalan manRa avanai varak kaNTu, Agku
    Az tuyaram ellAm maRan'tanaL, pEtai
    n'akai ozin'tu, n'ANu mey n'iRpa, iRaijci,
    70
    takai Akat taiyalAL cErn'tAL n'akai Aka,
    n'al ezil mArpanakattu

    ituvum atu.


    148.talaiviyin varutta mikuti kaNTOr kURRu
    tol iyal jAlattut tozil ARRi, jAyiRu,
    vallavan kURiya vinai talai vaittAnpOl,
    kal aTaipu, katir UnRi, kaN payam keTap peyara;
    allatu keTuppavan aruL koNTa mukam pOla,
    5
    mallal n'Irt tirai Urpu, mAl iruL mati cIppa;
    illavar ozukkam pOl, irug kazi malar kUmpa;
    cellum en uyirp puRattu iRuttan'ta maruL mAlai!
    mAlai n'I
    inpuRRArkku iRaicciyAy iyaivatO ceytAyman;
    10
    anpuRRAr aza, n'Itta allaluL, kalagkiya
    tunpuRRArt tuyar ceytal takkatO, n'inakku?
    mAlai n'I
    kalan'tavar kAmattaik kanaRRalO ceytAyman;
    n'alam koNTu n'alkAtAr n'ani n'Itta pulampinkaN
    15
    alan'tavarkku aNagku Atal takkatO, n'inakku?
    mAlai n'I
    em kELvaR tarutalum tarukallAy; tuNai allai;
    pirin'tavarkku n'Oy Aki, puNarn'tavarkkup puNai Aki,
    tirun'tAta ceyin allAl illaiyO, n'inakku?
    20
    ena Agku
    Ay izai maTavaral avalam akala,
    pAy iruT parappinaip pakal kaLain'tatu pOla,
    pOy avar maN vauvi van'tanar
    cEy uRai kAtalar cey vinai muTittE

    'veLippaTai tAnE kaRpinoTu oppinum, jAgkark kiLan'ta mUnRu poruLAka,varaiyAtu pirital kizavORku illai' enpatanAn, aracan maN kOTaRku Evutalin,vALAN etirum pirivin kaN, talaivan varaiviTai vaittu vEn'taRku uRRuzip pirin'tuzi,avaL varutta mikuti kaNTAr kURiyatu (31)


    149.tOzi kURRu
    n'irai timil kaLiRAka, tirai oli paRaiyAka,
    karai cEr puLLinattu am ciRai paTaiyAka,
    araicu kAl kiLarn'tanna uravu n'Irc cErppa! kEL:
    kaRpittAn n'ejcu azugkap pakarn'tu uNNAn, viccaikkaN
    5
    tappittAn poruLEpOl, tamiyavE tEyumAl,
    oRkattuL utaviyArkku utavAtAn; maRRu avan
    eccattuL Ayinum, aHtu eRiyAtu viTAtE kAN
    kELirkaL n'ejcu azugkak kezuvuRRa celvagkaL
    tAL ilAn kuTiyE pOl, tamiyavE tEyumAl,
    10
    cUL vAytta manattavan vinai poyppin; maRRu avan
    vAL vAy n'anRu Ayinum, aHtu eRiyAtu viTAtE kAN
    Agku
    anaittu, ini peruma! atan n'ilai; n'inaittuk kAN:
    cinaiiya vEn'tan eyiRpuRattu iRutta
    15
    vinai varu paruvaral pOla,
    tunai varu n'ejcamoTu varun'tinaL peritE

    varaivu n'ITTittuzit talaiviyatu ARRAmai kURi, talaivanai varaivu kaTAyatu.


    150.tOzi kURRu
    ayam tikaz n'aRug konRai alagkal am teriyalAn
    iyagku eyil eyap piRan'ta eri pOla, evvAyum,
    kanai katir teRutalin, kaTuttu ezun'ta kAmput tI
    malai paran'tu talaik koNTu muzagkiya muzagku azal
    5
    mayagku atar maRukalin, malai talaik koNTena,
    vicumpu uRa n'ivan'tu azalum, vilagku aru, vej curam
    iRan'tu tAm eNNiya eytutal vETkaiyAl,
    aRam tuRan'tu AyizAy! Akkattil pirin'tavar
    piRagku n'Ir caTaik karan'tAn aNi anna n'in n'iRam
    10
    pacan'tu, n'I inaiyaiyAy, n'Ittalum n'IppavO?
    kari kAyn'ta kavalaittAy, kal kAyn'ta kATTakam,
    'veru van'ta ARu' ennAr, vizup poruTku akanRavar,
    uruva ERRu UrtiyAn oL aNi n'akkanna, n'in
    uru izan'tu inaiyaiyAy, uLLalum uLLupavO?
    15
    kotittu urAyk kunRu ivarn'tu, koTik koNTa kOTaiyAl,
    'otukku ariya n'eRi' ennAr, oN poruTku akanRavar,
    putut tigkaT kaNNiyAn pon pUN jAnRu anna, n'in
    katuppu ulaRum kavinaiyAy, kANTalum kANpavO?
    Agku
    20
    arum peRal AtiraiyAn aNi peRa malarn'ta
    perun' taN caNpakam pOla, orugku avar
    poyyAr Akutal teLin'tanam
    mai Ir Oti maTa moziyOyE!
    poruLvayiR pirin'ta talaivanai n'inain'tu ARRAta talaiviyait tOzi ARRuvittatu.

Tags         :

  • பார்வை 680
புதுப்பிக்கபட்ட நாள் : 06-09-2016 23:10:15(இந்திய நேரம்)
Legacy Page