VaNTu (jimiRu, Curumpu)-vaNTu (jimiRu, Curumpu)
-
tUgku kaiyAn Ogku n'aTaiya,
uRaz maNiyAn uyar maruppina,
piRai n'utalAn ceRal n'Okkina,
pA aTiyAn paNai eruttina,
tEn citain'ta varai pOla,
mijiRu Arkkum kamaz kaTAttu,
ayaRu cOrum iruj cenniya,
main'tu malin'ta maza kaLiRu
kan'tu cErpu n'ilaii vazagka;
mAlai veN kuTai n'IzalAn,
vAL marugku ilOr kAppu uRagka;
alagku cen'n'el katir vEyn'ta
kalic cummai viyal AgkaN,
polan' tOTTup pain' tumpai
micai alagku uLaiya panaip pOz cerIi,
cina mAn'tar veRik kuravai
Ota n'Irin peyarpu pogka;
vAy kAvAtu paran'tu paTTa
vEn'tu tan'ta paNi tiRaiyAn
cErn'tavartam kaTumpu Arttum,
Ogku kolliyOr, aTu porun'a!
vEza n'Okkin viRal vej cEey!
vAziya, peruma! n'in varampu il paTaippE,
n'iR pATiya vayagku cen' n'Ap
pin piRar icai n'uvalAmai,
'mAn'tarajcEral irumpoRai Ompiya n'ATE
puttEL ulakattu aRRu' enak kETTu van'tu,
initu kaNTicin; peruma! munivu ilai,
vERu pulattu iRukkum tAnaiyoTu,
cORu paTa n'aTatti n'I tujcAymARE!
tiNaiyum tuRaiyum avai; tuRai iyanmoziyum Am.
cEramAn yAnaikkaTcEy mAn'tarajcEral irumpoRaiyaik kuRug kOziyUr kizAr pATiyatu.
n'el ariyum irun' tozuvar
cej jAyiRRu veyil munaiyin,
teN kaTal tirai micaip pAyun'tu;
taN kuravaic cIr tUgkun'tu;
tUval kalitta tEm pAy punnai
mel iNark kaNNi milain'ta main'tar
el vaLai makaLirt talaik kai tarUun'tu;
vaNTu paTa malarn'ta taN n'aRug kAnal
muNTakak kOtai oN toTi makaLir
irum panaiyin kurumpai n'Irum,
Ogku maNal kuvavut tAzait
mun' n'Ir uNTu mun'n'Irp pAyum;
tAgkA uRaiyuL n'al Ur kezIiya
punal am putavin mizalaiyoTu kazanik
kayal Ar n'Arai pOrvil cEkkum,
pon aNi yAnait tol mutir vELir,
kuppai n'ellin, muttURu tan'ta
koRRa n'IL kuTai, koTit tErc ceziya!
n'inRu n'ilaiiyar n'in n'ALmIn; n'illAtu
paTAac celIiyar, n'in pakaivar mInE
n'innoTu, tonRu mUtta uyirinum, uyiroTu
n'inRu mUtta yAkkai anna, n'in
ATu kuTi mUtta vizut tiNaic ciRan'ta
vALin vAzn'ar tAL valam vAztta,
iraval mAkkaL Ikai n'uvala,
oN toTi makaLir polagkalattu En'tiya
taN kamaz tERal maTuppa, makiz ciRan'tu,
Agku initu ozukumati, peruma! 'Agku atu
vallun'ar vAzn'tOr' enpa tol icai,
malar talai ulakattut tOnRi,
palar, celac cellAtu, n'inRu viLin'tOrE.
tiNai potuviyal; tuRai poruNmozik kAjci.
avanai mAgkuTi kizAr pATiyatu.
maN muzA maRappa, paN yAz maRappa,
irug kaN kuzici kavizn'tu izutu maRappa,
curumpu Ar tERal cuRRam maRappa,
uzavar Otai maRappa, vizavum
akaluL AgkaN cIRUr maRappa,
uvavut talaivan'ta peru n'AL amaiyattu,
iru cuTar tammuL n'Okki, oru cuTar
punkaN mAlai malai maRain'tAgku,
tan pOl vEn'tan munpu kuRittu eRin'ta
puRap puN n'ANi, maRat takai mannan
vAL vaTakkirun'tanan; Igku,
n'AL pOl kaziyala, jAyiRRup pakalE.
tiNai potuviyal; tuRai kaiyaRu n'ilai.
cEramAn peruj cEralAtan cOzan karikAR peruvaLattAnOTu porutu, puRap puN n'ANi, vaTakkirun'tAnaik kazAttalaiyAr pATiyatu.
kaiyatu, kaTan n'iRai yAzE; meyyatu,
puravalar inmaiyin paciyE; araiyatu,
vERRu izai n'uzain'ta vEr n'anai citAar
pUTkai illOn yAkkai pOlap
perum pullenRa irum pEr okkalai;
vaiyakam muzutuTan vaLaii, paiyena
ennai vinavuti Ayin, mannar
aTu kaLiRu uyavum koTi koL pAcaRai,
kurutip parappin kOTTu mA tolaicci,
pulAk kaLam ceyta kalAat tAnaiyan
piRagku n'ilai mATattu uRan'taiyOnE;
porun'arkku Okkiya vElan, oru n'ilaip
pakaip pulam paTartalum uriyan; takait tAr
oL eri puraiyum uru kezu pacum pUN
kiLLi vaLavaR paTarkuvai Ayin,
n'eTug kaTai n'iRRalum ilaiyE; kaTum pakal
tEr vIcu irukkai Ara n'Okki,
n'I avaR kaNTa pinRai, pUvin
cUTAyAtal ataninum ilaiyE.
cOzan kuLamuRRattut tujciya kiLLivaLavanai AlattUr kizAr pATiyatu.
tiN piNi muracam izumena muzagkac
cenRu, amar kaTattal yAvatu? van'tOr
tAr tAgkutalum ARRAr, veTipaTTu,
OTal marIiya pITu il mannar
n'OyppAl viLin'ta yAkkai tazIi,
kAtal maRan'tu, avar tItu marugku aRumAr,
aRam puri koLkai n'AnmaRai mutalvar
tiRam puri pacum pul parappinar kiTappi,
'maRam kan'tAka n'al amar vIzn'ta
n'IL kazal maRavar celvuzic celka!' ena
vAL pOzn'tu aTakkalum uyn'tanar mAtO
vari jimiRu Arkkum vAy puku kaTAattu
aNNal yAnai aTu kaLattu oziya,
aruj camam tataiya n'URi, n'I,
perun' takai! vizup puN paTTa mARE.
tiNai vAkai; tuRai araca vAkai.
avan porutu puNpaTTu n'inROnai avar pATiyatu.
aNagkuTai avuNar kaNam koNTu oLittena,
cEN viLagku ciRappin jAyiRu kANAtu,
iruL kaN keTutta paruti jAlattu
iTumpai koL paruvaral tIra, kaTun' tiRal
ajcana uruvan tan'tu n'iRuttAgku,
aracu izan'tirun'ta allal kAlai,
muracu ezun'tu iragkum muRRamoTu, karai porutu
iragku punal n'eritaru miku perug kAviri
mallal n'al n'ATTu allal tIra,
poyyA n'Avin kapilan pATiya,
mai aNi n'eTu varai AgkaN, oyyenac
cerup pukal maRavar celpuRam kaNTa
eL aRu ciRappin muLLUr mImicai,
aru vazi irun'ta peru viRal vaLavan
mati maruL veNkuTai kATTi, ak kuTai
putumaiyin n'iRutta pukaz mEmpaTun'a!
viTarp puli poRitta kOTTai, cuTarp pUN,
curumpu Ar kaNNi, perum peyar n'um mun
INTuc cey n'al vinai ANTuc cenRu uNIiyar,
uyarn'tOr ulakattup peyarn'tanan Akalin,
ARu kol marugkin mAtiram tuzavum
kavalai n'ejcattu avalam tIra,
n'I tOnRinaiyE n'irait tAr aNNal!
kal kaN poTiya, kAnam vempa,
malku n'Ir varaippin kayam pala uNagka,
kOTai n'ITiya paitu aRu kAlai,
urum uraRu karuviya mazai pozin'tAgkE.
tiNai vAkai; tuRai araca vAkai.
malaiyamAn cOziya EnAti tirukkaNNanai mAROkkattu n'appacalaiyAr pATiyatu.
n'ani pEtaiyE, n'ayan il kURRam!
viraku inmaiyin vittu aTTu uNTanai;
innum kANkuvai, n'an vAy Akutal;
oLiRu vAL maRavarum, kaLiRum, mAvum,
kuruti am kurUup punal poru kaLattu oziya,
n'ALum AnAn kaTan'tu aTTu, enRum n'in
vATu paci aruttiya vacai tIr ARRal
n'in Or anna pon iyal perum pUN
vaLavan ennum vaNTu mUcu kaNNi
ini yAr, maRRu n'in paci tIrppOrE?
avanai ATutuRai mAcAttanAr pATiyatu.
pANar cenniyum vaNTu cenRu UtA;
viRaliyar munkaiyum toTiyin poliyA;
iraval mAkkaLum... ... ... ... ... ... ... ... ... ...
an'tO! en'tai aTaiyAp pEr il!
vaNTu paTu n'aRavin taNTA maNTaiyoTu
varaiyAp peruj cORRu muri vAy muRRam,
veRRu yARRu ampiyin eRRu? aRRu Akak
kaNTanen, manRa; cOrka, en kaNNE;
vaiyam kAvalar vaLam kezu tiru n'akar,
maiyal yAnai ayAvuyirttanna
n'ey ulai corin'ta mai Un Ocai
putukkaN mAkkaL cetukkaN Arap
payan'tanai, mannAl, munnE! iniyE
pal A tazIiya kallA val vil
uzaik kural kUkai azaippa ATTi,
n'Aku mulai anna n'aRum pUg karan'tai
viraku aRiyALar marapin cUTTa,
n'irai ivaN tan'tu, n'aTukal Akiya
ven vEl viTalai inmaiyin pulampi,
koym mazit talaiyoTu kaimmaiyuRak kalagkiya
pullenRanaiyAl, pal aNi izan'tE.
.....................AvUr mUlag kizAr pATiyatu.
perug kaLiRRu aTiyin tOnRum oru kaN
irum paRai iravala! cERiAyin,
tozAtanai kazital Ompumati; vazAtu,
vaNTu mEmpaTUum, iv vaRan'ilai ARE
pal At tiraL n'irai peyartarap peyartan'tu,
kallA iLaiyar n'Igka n'IgkAn,
vil umiz kaTug kaNai mUzka,
kol punal ciRaiyin vilagkiyOn kallE.
tiNai karan'tai; tuRai kaiyaRun'ilai.
......................................................................
ennai mArpil puNNum veyya;
n'aTu n'AL van'tu tumpiyum tuvaikkum;
n'eTu n'akar varaippin viLakkum n'illA;
tujcAk kaNNE tuyilum vETkum;
ajcuvaru kurAal kuralum tURRum;
n'el n'Ir eRin'tu viricci Orkkum
cem mutu peNTin collum n'irampA;
tuTiya! pANa! pATu val viRali!
en Akuvirkol? aLiyir; n'umakkum
ivaN uRai vAzkkaiyO, aritE! yAnum
maNNuRu mazit talait teN n'Ir vAra,
tonRu tAm uTutta am pakait teriyal
ciRu veL Ampal alli uNNum
vazi n'inain'tiruttal, ataninum aritE!
tiNai potuviyal; tuRai Anan'tappaiyuL.
mAROkkattu n'appacalaiyAr pATiyatu.
pon vArn'tanna puri aTagku n'arampin,
min n'Er paccai, mijiRRuk kural cIRiyAz
n'anmai n'iRain'ta n'aya varu pANa!
cIRUr mannan ciRiyilai eHkam
vEn'tu Ur yAnai En'tu mukattatuvE;
vEn'tu uTanRu eRin'ta vElE, ennai
cAn'tu Ar akalam uLam kazin'tanRE;
uLam kazi cuTarp paTai En'ti, n'am peruviRal
Occinan turan'ta kAlai, maRRavan
pun talai maTap piTi n'ANa,
kujcaram ellAm puRakkoTuttanavE.
tiNai vAkai; tuRai mUtil mullai.
Er paran'ta vayal, n'Ir paran'ta ceRuvin,
n'el malin'ta manai, pon malin'ta maRukin,
paTu vaNTu Arkkum pal malark kAvin,
n'eTu vEL Atan pOn'tai anna,
peruj cIr arug koNTiyaLE; karuj cinai
vEmpum Arum pOn'taiyum mUnRum
malain'ta cenniyar, aNin'ta villar,
koRRa vEn'tar varinum, tan taka
vaNagkArkku Ikuvan allan vaN tOTTup
piNagku katirk kazani n'AppaN, EmuRRu
uNagku kalan Aziyin tOnRum
Or eyil mannan oru maTa makaLE.
kunRUr kizAr makanAr pATiyatu.
புதுப்பிக்கபட்ட நாள் : 07-09-2016 05:39:36(இந்திய நேரம்)