தோள்வளையின் பெருமையை இந்நிலவுலகில் யாரால் அறிந்து
சொல்ல முடியும்.
 

ஐயன்- இராமன்; அவனுக்கு- அங்கதனுக்கு;பின்னரும் -
மேலும்; பெருவிலை ஆரத்தோடும்- மிக்க     விலை உடைய
முத்துமாலையோடும்; மன்னும் நுண் தூசும்- நிலைபெற்ற நுண்ணிய
பட்டாடையும்;  மாவும் -   குதிரையும்;மதமலைக்கு அரசும்-
யானையும்;   ஈயா- அளித்து;  'உன்னை நீ அன்றி இந்த
உலகினில் ஒப்பு இலாதாய்! - உனக்கு நீயே அல்லாமல் இந்த
உலகில் வேறு உவமை சொல்ல முடியாமல் சிறந்தவனே!கதிரோன்
மைந்தன் தன்னொடும் மருவி மன்னுக- சுக்கிரீவனோடும்
பொருந்தி வாழ்க;என்றான் -.
 

(19)
 

ஐயன் மாருதி தன்னை மகிழ்ந்து இனிது அருளின் நோக்கி -
இராமன் அனுமனை மகிழ்ச்சியோடு இனிமையாக   அருட் பார்வை
பார்த்து;    'பைம்பூண் போர் உதவிய திண்தோளாய்! - பசிய
பூண் அணிந்த போர்க்குத்  தகுதியாகிய     வலிய தோளை
உடையவனே! நீ அலால் ஆர் உதவிடுதற்கு ஒத்தார்? - நீ
அல்லாமல் வேறு யார் உதவி செய்வதற்கு ஏற்றவர்கள் உளர்;