2165. (இ-ள்.) அத்தகைமை.......அருளிச் செய்ய - அத்தன்மை பிள்ளையார் அருளிச் செய்யவே; அந்தணர்கள்......சிறப்ப - அந்தணர்கள் அவ்வருளிப்பாட்டினைச் சிரமேற்றாங்கி வணங்கி மனமகிழ்ச்சியோடு சிறந்தார்களாக; தாமும்.......போந்து - பிள்ளையார் தாமும் தெய்வத் திருத்தோணியில் எழுந்தருளிய பெருமானைச் சென்று பணிந்து உண்மையுடைய இசையுடன் கூடிய பதிகங்களினாற்றுதித்து அவரது வாசனை பொருந்திய மலர்போன்ற பாதங்களை மனதிலே வைத்து மீண்டு புறம்பே எழுந்தருளி; பத்தருடன்........நாளில் - அடியார்களுடன் இனிதே அமரும் தன்மை கூடும்படி இறைவரது திருவடிகளைப் பணிந்து போற்றிப் பயின்றிருந்த நாளில்,

     2166. (இ-ள்.) பந்தணை......அமுதுண்ட - பந்தினைப் பயின்ற மெல்லிய திருவிரல்களையுடைய உமாதேவியாரும் சிவபெருமானும் பாய்விடையின்மேல் எழுந்தருளி வெளிப்பட்டு வந்து பொற்கிண்ணத்தில் அளித்தருளிய எல்லையில்லாத ஞானப்பா லமுதினை உண்டருளிய; செந்தமிழ்.......இறைஞ்சுதற்காக - செந்தமிழ்த் தலைவராகிய திருஞானசம்பந்த நாயனாரது திறங்களைக் கேட்டு அவரைக் கும்பிடுவதற்காக; அந்தணர்......நாவுக்கரசர் - அந்தணர்கள் சிறக்க இருக்கும் சீகாழிப் பதியில் திருநாவுக்கரசுநாயனார் - அந்தணர்கள் சிறக்க இருக்கும் சீகாழிப் பதியில் திருநாவுக்கரசு நாயனார் அணைந்தருளினர்.

     இந்த இரண்டு பாட்டுக்களும் தொடர்ந்து ஒரு முடிபு கொண்டன.

     2165. (வி-ரை.) அத்தகைமை - செந்தழலோம்பும் வேதியர்க்கு அந்தியுள் மந்திரம் திருவைந்தெழுத்தே யாமென்னும் தன்மை.

     அருள் தலைமேற் கொண்டு - அருள் - அருளிப்பாடு; தலைமேற் கொள்ளுதல் - மிக உயர்ந்த பொருளாகக் கொண்டாடுதல்.

     தாமும் - ஆளுடைய பிள்ளையாரும்; அருளை அவர்கள் தலைமேற்கொண்டது போலத் தாமும் தோணி யமர்ந்தார்தாள் தலைமேற் கொண்டார் என்று உம்மை இறந்தது தழுவியது.

     பதிகங்கள் - இவை இன்னவென்பது துணியக்கூடவில்லை. "திருப்பதிகங்கள் பலவும்" (2161) என்ற விடத்துரைத்தவை பார்க்க.

     தாள் மனங் கொண்டு மீண்டு - இறைவரைப்போற்றி மீள்வார் அவரது திருத்தாள்களை எண்ணிக்கொண்டவாறே புறம்போந்தனர். "காளத்தி எந்தையா