பதிகக் குறிப்பு :- இது சீகாழியிலருளியது. சக்கர வடிவாக அடைத்துச் சுழன்று வருவதுபோலச் சீகாழியின் பன்னிரண்டு பெயர்களும் மாறிச் சுழன்று வரப் பாடியருளிய சித்திரகவி; இதுபோன்று "பிரமனூர்" என்று தொடங்கு மற்றொரு பதிகம் உண்டு; அது மதுரையிற் பின்னர்க் கூன்பாண்டியன் அவைக்களத்தே அருளுவது; (புரா - 754 - பார்க்க); அது "நாம் கருதும் ஊரே" என்ற குறிப்புடையதாய், "உமது பதி யாது?" என்று அரசன் கேட்ட வினாவுக்கு விடையாக அமைந்தது. இஃது இப் பன்னிரண்டு பேர் படைத்தது இறைவனூர் கன்று போற்றிய குறிப்புடையது.

     பதிகப்பாட்டுக் குறிப்பு :- (1) களங்கம் இல்ஊர் - ஆலாவமலக் குற்றத்தை இல்லையாகச் செய்யும் ஊர் கொச்சைவயம் என்க. இளங்குமரன் - முருகப்பெருமான். பகை - சூரன்; எறிவித்த இறைவன் - என்க. பெயரெச்சத் தகரம் விகாரத்தாற்றொக்கது.-(4) பூமகன் - பிரமன்;-(5) தரைத் தேவர் - பூசுரர், அந்தணர்; உணர்ந்த அயனூர் - என்க;-(8) மோடி - காளி; சிலையன்; வில்லுடையவன்; அருளி - அருள்பவன்; பெயர்; - (10) மேல் - மேலோர் - மெய்ம்மைநூல் - வேதம்;-(12) சக்கரம் - பதிக அமைதியின் பெயர்; தரிப்போர் - மனங்கொள்வோர்.

     குறிப்பு :- "ஆதிவிகற்பங்கள்" (2175) என்றதனால் ஈண்டுப் பல்பெயர்ப் பத்து என்ற தக்கேசி "எரியார்மழு" என்னும் பதிகமும், "பூமகனூர் புத்தேளுக் கிறைவனூர்" என்னும் - காந்தாரம் - கோமுத்திரிப் பதிகமும் இவை முதலாயின பிறவும் வைத்துக் கருதப்படும்.

     (இ-ள்.) அங்கண்..............நாளில் - அத்தலத்தில் விரும்பி எழுந்தருளியிருக்கும் நாள்களில்; "அருந்தமிழ்நாடு......எய்துவன்" என்று - அரிய தமிழ்நாடுவெற்றினுள்ளும் திங்களைச் சூடிய சடையையுடைய பெருமான் எழுந்தருளியுள்ள