:: TVU ::

கம்பராமாயணக் கதைப் பாத்திரங்கள்

793

துருவாசர்	:	தன்னை மதியாத இந்திரன் திருவைக் கடலில் மறைத்தவர்.
துன்முகன்	:	இராவணனுக்கு ஆலோசனை கூறும் படைத் தலைவன். பகைவர்க்குப் பயங்கரமான முகத்தை உடையவன். அனுமானால் அழிந்தவன்.
தூடணன்	:	யாவரையும் நிந்திப்பவன். இராவணன் தந்தை விசுரவசு முனிவர்க்கும், தாய் கேகசியின் தங்கை கும்பீநசிக்கும் பிறந்தவன்.
தூமநாட்டத்தன்	:	தூமிராட்சன். புகை போன்ற கண்களை உடையவன். இந்திரசித்தின் தேர்ச்சக்கரக் காவலாக சென்று போரில், தப்பிவந்து மீண்டும் போர்க்களம் சென்று மாண்டவன்.
தூமிரன்	:	கரடித் தலைவன். சாம்பவானுக்கு உடன்பிறப்பு.
தேவராந்தகன்	:	தேவர்களுக்கு யமன் போன்றவன். இராவணன் மைந்தன் அனுமனால் அழிந்தவன்.
நந்தி	:	குரங்குகளால் அழிவு என இராவணனைச் சபித்தவன்.
நராந்தகன்	:	இராவணன் மைந்தருள் ஒருவன், பகைவர்க்கு யமன் போன்றவன்.
நளன்	:	விசுவகர்மாவின் மகன். சந்திரன் அமிசமானவன். சேது அணை கட்டியவன்.
நாரதர்	:	இசையில் வல்ல முனிவர்.
நிகும்பன்	:	கும்பகர்ணனின் மகன்.
நீலமாலை	:	சீதையின் தோழி. வில் முறித்த செய்தியைச் சீதைக்கு முதலில் அறிவித்தவள்.
நீலன்	:	அக்கினியின் மைந்தன். நீல நிறமுடையவன். வானரப் படைக்கெல்லாம் தலைவன்.
ப்ரகஸன்	:	பஞ்சசேனாபதிகளுள் ஒருவன்.
பகீரதன்	:	அம்சுமானின் மகன். கங்கையை உலகிற்குகக் கொணர்ந்தவன்.
பதுமுகன்	:	வானரப் படைத்தலைவன்.
பரத்துவாசர்	:	காட்டில் இராம இலக்குவரை உபசரித்த முனிவர்.
பரதன்	:	தசரதன், கைகேயி புதல்வன்.