| (வி - ம்.) வார்தல் - ஒழுகல்; ஈண்டு தாழ்தல். இழையார்ந் துளார் - அணிகலன்கள் நிறையப் பெற்ற பெண்கள். சார்ந்த மாதர் - ஊசலிற் பொருந்தி யுள்ளாராகிய பெண்கள். (39) | | ஆட லம்மனை யவ்வளைத் தோளியர் | | | பாட லம்பசுந் தேன்பெருக் குந்தொறும் | | | கோடமன்ற குழைத்தலைப் பொங்கரும் | | | பீட மன்றபைந் தேறல்பெ ருக்குமே. |
(இ - ள்.) அம்மனை யாடுகின்ற அழகிய வளையணிந்த தோள்களையுடைய அந்நகரத்துப் பெண்கள் இசைப் பாட்டாகிய அழகிய தேனைப் பெருக்குந் தோறும் கிளைகள் நெருங்கிய தளிர்த்தலை யுடைய சோலைகள் பெருமை பொருந்திய பசிய தேனைப் பெருக்கும். (வி - ம்.) பாடலாகிய தேன். அம்மனை யாடல்தோளிய ரென மாற்றுக. அமன்ற - நெருங்கிய. சோலையானது பெண்கள் பாட மலரு மரம் உடைத்தாதலான் தேறல் பெருக்கு மென்றார். குழைத்த - தளிர்த்த. பொங்கர் - சோலை. இசைத் தேன் பெருக்கு மங்கையர்க்கு மலர்த் தேன் பெருக்கி வழங்கும் சோலைகள் என்க. (40) | | பொன்ன னார்புகுந் தாடவி ரிந்துபோம் | | | அன்ன மீட்டு மணைந்தன வேற்றுமை | | | மன்ன லாற்றம வாழ்க்கைம லர்க்கயம் | | | இன்ன வென்றறி யாவிடர் மூழ்குமே. |
(இ - ள்.) இலக்குமி யொத்த (அந்நகரத்துப்) பெண்கள் சென்று மூழ்க (கயத்தினின்றும்) ஓடிப்போன அன்னப் பறவைகள் மறுபடியு மாண்டணைந் தனவாகித் தம்முடை யிருப்பிடமாகிய மலர்களை யுடைய தடாகங்கள் (தம்மியல்பினின்றும்) வேறுபாட்டைப் பொருந்தலால் யாம் வாழ்வது எத்தன்மை யுடையதென் றறியாமல் துன்பமாகிய கடலுண் மூழ்கும். (வி - ம்.) வேற்றுமை மன்னல் - (சந்தனம், கத்தூரி, பொற் சுண்ண முதலியவற்றாலும் மலர்கள் சிதைதல் முதலியவற்றாலும்) வேறுபா டடைதல். "இன்னவென்றறியா" என்புழி முற்றிறுதியு மெச்ச விறுதியுந் தொக்கன. (41) | | எக்கர் மீதுமி ழைத்தபொற் குன்றினும் | | | நக்க தேனலர் நங்கையர் சூடுவான் | | | தொக்கி ருப்பன தொல்வரைக் கோட்டகம் | | | புக்கு மஞ்ஞைதி ரண்டன போன்றன. |
(இ - ள்.) மணற்குன்றுகளினும், பொன்னிறமுள்ள செய் குன்றுகளினும் அந் நகரத்துப் பெண்கள், விரிந்த தேனினையுடைய மலர்களைச் சூடும் பொருட்டுக் குழுமி யிருத்தலான் அவை பழமையான சிகரங்களின் மயிற் கூட்டங்கள் புகுந்து சேர்தலைப் போன்றன. |